خیبرپختونخوا میں سیکیورٹی فورسز کی تین مختلف کارروائیوں میں 11 خوارج مارے گئے۔
پاک فوج کے شعبہ تعلقات عامہ (آئی ایس پی آر) کے مطابق خیبرپختوا کے ضلع ٹانک میں خوارج کی موجودگی کی اطلاع پر آپریشن کیا گیا موثر کارروائی کے نتیجے میں 7 خوارج مارے گئے۔
آئی ایس پی آر کے مطابق شمالی وزیرستان کے علاقے دتہ خیل میں کارروائی میں 2 خوارج ہلاک ہوئے۔
ادھر ضلع مہمند میں شدید فائرنگ کے تبادلے میں 2 خوارج مارے گئے، ہلاک خوارج سے اسلحہ اور گولہ بارود بھی برآمد کیا گیا۔
ترجمان پاک فوج کا کہنا ہے کہ ہلاک خوارج فورسز اور معصوم شہریوں پر حملوں میں ملوث تھے جبکہ خوارج کیخلاف کارروائیاں 17 اور 18 دسمبر کو کی گئیں۔
آئی ایس پی آر کا کہنا ہے کہ علاقے میں ممکنہ خوارج کے خاتمے کے لیے کلیئرنس آپریشن بھی کیے گئے، فورسز ملک سے دہشتگردی کی لعنت ختم کرنے کے لیے پرعزم ہیں۔
