پشاور: شمالی وزیرستان کی تحصیل میرعلی میں فورسز کا کلیئرنس آپریشن کرکے دہشت گردوں کے زیراستعمال اسلحے کا زیرزمین ذخیرہ برآمد کرلیا ہے۔
تفصیلات کے مطابق سکیورٹی فورسز نے شمالی وزیرستان کی تحصیل میر علی میں کلیئرنس سرچ آپریشن کیا ، آپریشن کے دوران دہشت گردوں کا زیرزمین دفن کیا گیا اسلحے کا بڑا ذخیرہ برآمد کرلیا ہے۔
سیکیورٹی فورسزکے سرچ اور کلیئرنس آپریشن میں بارودی مواد کا سراغ ملا، اسلحے کا ذخیرہ بارودی سرنگ کو ناکارہ بنانے کے دوران برآمد ہوا۔
زرائع کا کہنا ہے کہ آپریشن ضرب عضب کے دوران دہشتگردوں نے اسلحہ چھپا دیا تھا۔
دوسری جانب آپریشن ردالفساد کے تحت ملک بھر میں سکیورٹی فورسز کی کارروائیاں جاری ہے ، آپریشن کے دوران افغان باشندوں سمیت درجنوں مشتبہ افراد کو دھر لیا گیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں