کراچی: سپرہائی وے پر ہاؤسنگ سوسائٹی کی چیک پوسٹ پر گاڑی کی ٹکر سے سیکورٹی گارڈ جاں بحق ہوگیا، پولیس نے مقدمہ درج کرکے ملزم کی تلاش شروع کردی۔
اے آر وائی نیوز کے مطابق گڈاپ پولیس نے کار نمبر حاصل کرکے ملزم کی تلاش شروع کر دی ہے، گزشتہ رات پیش آئے واقعے کی سی سی ٹی وی فوٹیج بھی سامنے آگئی۔
فوٹیج میں کار سوار شخص کو سیکیورٹی بریکٹ سے گاڑی ٹکراتے دیکھا جاسکتا ہے،کار سوار کو تیز رفتاری سے سیکیورٹی گارڈ کو ٹکر مار کر فرار ہوتے دیکھا جاسکتا ہے۔
- Advertisement -
پولیس کا کہنا ہے کہ کار نمبر سے حاصل شدہ تفصیل کے مطابق گاڑی پنجاب کے شہری کے نام پر ہے جبکہ شہری کا موجودہ پتہ ساہیوال کا ہے۔
سی ویو : یوم آزادی پر کراچی کے شہریوں کیلئے خوشخبری
پولیس حکام کا کہنا ہے کہ کار سوار ہاؤسنگ سوسائٹی میں کس سے ملنے گیا تھا، تفتیش شروع کردی گئی ہے، جبکہ سوسائٹی کے کیمروں سے فوٹیجز حاصل کی جارہی ہیں۔
