The news is by your side.

Advertisement

پاناما کیس: سپریم کورٹ کے اندر اور باہر سخت سیکیورٹی

اسلام آباد: پاناما لیکس کیس کا فیصلہ آج دوپہر 2 بجے سنایا جائے گا۔ اہم ترین فیصلے کے باعث سپریم کورٹ کے اندر اور باہر سیکیورٹی کے سخت انتظامات کیے گئے ہیں۔ ریڈ زون میں ریڈ الرٹ ہے۔ صرف پاسز رکھنے والوں کو داخلے کی اجازت ملے گی۔

تفصیلات کے مطابق پاناما کیس کے فیصلے کے مد نظر وفاقی دارالحکومت اسلام آباد کے ریڈ زون میں ریڈ الرٹ نافذ ہے اور عام افراد کا داخلہ بند کردیا گیا۔

سپریم کورٹ کے اندر اور باہر فول پروف سکیورٹی کے لیے 500 سے زائد سیکورٹی اہلکار تعینات ہیں۔ خصوصی پاس کے بغیر کسی شخص کو عدالت عظمیٰ میں داخلے کی اجازت نہیں۔

مزید پڑھیں: پاناما کیس کا فیصلہ آج سنایا جائے گا

سیاسی رہنماؤں عمران خان، سراج الحق اور شیخ رشید کو خصوصی سیکیورٹی دی جائے گی۔ سیاسی جماعتوں کے کارکنوں کے سپریم کورٹ میں داخلے پر مکمل پابندی ہے۔

شہر بھر میں سیف سٹی کیمرے ہر شخص پر نظر رکھیں گے۔

Print Friendly, PDF & Email

Comments

comments

یہ بھی پڑھیں