The news is by your side.

Advertisement

نواز شریف اور مریم نواز کی آمد، لاہور میں سیکیورٹی ہائی الرٹ

لاہور : سزایافتہ نواز شریف اور مریم نواز کی لاہور آمد کے موقع پر شہر میں سیکیورٹی ہائی الرٹ کردی گئی اور ضلعی انتظامیہ نے شہر کی اہم شاہراہوں کو کنٹینرز لگا کر بند کردیا ہے۔

تفصیلات کے مطابق ایوان فیلڈ میں سزا یافتہ نواز شریف اور مریم نواز کی لاہور آمد کے موقع پر شرپسندوں سے نمٹنے کیلئے قانون نافذ کرنے والے ادارے متحرک ہوگئے۔

لاہور کی ضلعی انتظامیہ نے امن وامان کو برقرار رکھنے کیلئے شہرکی اہم شاہراہوں کو کنٹیرز لگا کر بند کردیا جبکہ لاہور ایئرپورٹ کے اطراف اور شہر میں رینجرز اور پولیس کی بھاری نفری تعینات کردی گئی۔

ضلعی انتظامیہ کا کہنا ہے کہ لیگی کارکنوں نے کسی قسم کی شرانگیزی کی کوشش کی توقانون نافذ کرنے والے ادارے حرکت میں آجائیں گے، شہرمیں سیکیورٹی اہلکاروں نے امن و امان کی صورتحال کوکنٹرول پر کر رکھا ہے اور ٹریفک کی روانی معمول کے مطابق برقرار ہے، شہری باآسانی اپنے دفتروں میں پہنچے جبکہ شہر میں بازار اور دکانیں بھی معمول کے مطابق کھلی ہیں۔

شہر کے بعض علاقوں میں چند گھنٹے کیلئے موبائل سروس بھی معطل کی جائے گی۔

فیصل آباد میں انتظامیہ نے موٹر وے کے چاروں انٹرچینج پر کنٹیرز لگا دیئے اور موٹر وے ٹریفک کیلئے بند کردی گئی جبکہ ٹوبہ ٹیک سنگھ میں امن و امان برقرارکھنےبھرپور تیاریاں کی گئی ہے ، پولیس نے شہر کی مرکزی شاہراہوں فلیگ مارچ بھی کی۔

راولپنڈی میں بھی امن و امان کی صورتحال کوکنٹرول کرنے کے پولیس نے بھرپور انتظامات کر رکھے ہیں۔

دوسری جانب شہبازشریف اور حمزہ شہباز کی رہائش گاہ کے اطراف میں بھی کنٹینرز لگا دیے گئے ہیں جبکہ راولپنڈی میں بھی لیگی دفتر کےباہر پولیس کی بھاری نفری تعینات کردی گئی ہے۔

یاد رہے کہ پنجاب کےنگراں وزیر داخلہ شوکت جاوید نے خبردار کیا تھا کہ لیگی کارکن پرامن نہ رہے تو رینجرزحرکت میں آئےگی۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں