لاہور : سابق دور حکومت کی اعلیٰ شخصیات سے سیکیورٹی واپس لے لی گئی، ایک ہزار سے زائد پولیس افسران سیاسی نمائندوں کو پروٹوکول دے رہے تھے۔
تفصیلات کے مطابق پنجاب میں نگراں حکومت کے آتے ہی سابق دور حکومت کی اعلیٰ شخصیات سے سیکیورٹی واپس لے لی گئی۔
سابق وزیراعلیٰ عثمان بزدار اور پرویزالہٰی سے سیکیورٹی واپس لے لی گئی جبکہ مونس الہٰی سے بھی پولیس کی گاڑی اور نفری کو واپس بلوالیا گیا۔
- Advertisement -
اس کے علاوہ اسلم اقبال ، راجہ بشارت ، یاسمین راشد ، مراد راس ، محمد خان بھٹی اوراسمبلی سیکرٹری عنایت اللہ سے بھی سیکیورٹی واپس لے لی۔
لاہور پولیس اور پنجاب کے دیگر یونٹس سے 24 گاڑیاں ،554 اہلکار واپس لیے گئے ، ایک ہزار سے زائد پولیس افسران سیاسی نمائندوں کو پروٹوکول دیتے رہے۔
