آسٹریلیا نے بھارت کو ہرا کر چھٹی بار ون ڈے ورلڈ کپ جیت لیا تاہم جیت کے بعد کینگرو بیٹر مچل مارش کی ٹرافی پر پاؤں رکھے تصویر نے بھارتیوں کو آگ بگولہ کر دیا۔
احمد آباد کے دنیا کے سب سے بڑے کرکٹ اسٹیڈیم میں آسٹریلیا نے سوا لاکھ بھارتی فینز کے سامنے ان کی ٹیم کو دھول چٹاتے ہوئے فائنل میں زیر کیا اور چھٹی بار عالمی چیمپئن بننے کا اعزاز حاصل کیا۔
ورلڈ کپ میں فتح کے بعد آسٹریلوی کھلاڑیوں نے گراؤنڈ اور پھر ڈریسنگ روم میں بھی جیت کا شاندار جشن منایا تصاویر اور ویڈیوز بنائی گئیں جن میں سے کچھ تصاویر کینگرو کپتان پیٹ کمنز نے اپنی انسٹا گرام پروفائل پر بھی شیئر کر دیں لیکن ان میں سے ایک تصویر دیکھ کر ہار کے غم میں جلتے بھارتیوں کے سینے پر سانپ لوٹ گئے۔
یہ تصویر آسٹریلوی بلے باز مچل مارش کی تھی جو ورلڈ کپ ٹرافی پر پاؤں پسارے صوفے پر آرام کرتے دکھائی دے رہے ہیں۔ سوشل میڈیا پر یہ تصویر آتے ہی ہلچل مچ گئی اور ایک طوفان آ گیا۔
اس تصویر کو دیکھتے ہی سوگ میں ڈوبے بھارتیوں کے زخم مزید گہرے ہو گئے اور انہوں نے آسٹریلوی کرکٹرز کوشدید تنقید کا نشانہ بنا ڈالا۔
سماجی رابطوں کی ویب سائٹ ایکس پر ایک بھارتی صارف نے تبصرہ کرتے ہوئے اسے ٹرافی کی توہین قرار دیا اور ساتھ ہی آئی سی سی سے مطالبہ بھی کر ڈالا کہ کرکٹ کی عالمی تنظیم اس پر ایکشن لے۔
ایک اور دل جلے ویپن تیواری نامی بھارتی صارف نے ٹرافی جیت نہ پانے کے غم کا اظہار ان الفاظ کے ساتھ کیا کہ یہ واقعی افسوسناک ہے جب ٹرافی کا صحیح معنوں میں احترام کرنے والوں کو اسے چھونے کا موقع نہیں ملتا جبکہ جو لوگ پروا نہیں کرتے انہیں متعدد مواقع ملتے ہیں۔
Respect for Messi ❤ pic.twitter.com/3iM6ehDyPI
— (@solitarysaurav) November 20, 2023
کچھ صارفین نے بھارت کے 2011 کے ورلڈ کپ جیتنے پر ٹنڈولکر کی ٹرافی چومنے اور گزشتہ سال فیفا ورلڈ کپ جیتنے پر ارجنٹینا کے فاتح کپتان لیونل میسی کی ٹرافی چومنے اور ٹرافی کے ساتھ سونے کی تصاویر اور ویڈیوز شیئر کرتے ہوئے لکھا کہ ورلڈ کپ کی عزت اس طرح کی جاتی ہے۔
The value of Trophy who deserves pic.twitter.com/8yk2Iy2iM3
— Dr Bakra (@DrBakra) November 20, 2023
Have some respect for the world cup man
Look how God of cricket respects the coveted trophy. pic.twitter.com/wu8I9IwhA5
— Esha Srivastav (@EshaSanju15) November 20, 2023
