بھارت کے سابق کرکٹر وریندر سہواگ نے وزیراعظم مودی کے انڈیا کو بھارت کا نام دینے کے فیصلے سے تقویت پاتے ہوئے بی سی سی آئی سے فرمائش کر دی ہے۔
وریندر سہواگ نے سماجی رابطوں کی ویب سائٹ ایکس پر بھارتی کرکٹ بورڈ (بی سی سی آئی) اور سیکریٹری بورڈ جے شاہ سے درخواست نما فرمائش کی ہے کہ اس بات کو یقینی بنایا جائے کہ اس ورلڈ کپ میں ہمارے کھلاڑیوں کے سینے پر بھارت کا نام جگمگائے۔
سہواگ نے اپنی ٹویٹ میں مزید لکھا کہ میں ہمیشہ اس بات کا خواہاں رہا ہوں کہ ہمارا ایک ایسا نام ہونا چاہیے جو ہمارے اندر فخر پیدا کرے۔ ہم بھارتیہ ہیں جب کہ انڈیا ہمیں انگریزوں کا دیا نام ہے۔ ہمارے اصل نام ’’بھارت‘‘ کو سرکاری طور پر واپس لانا ابھی باقی ہے۔
I have always believed a name should be one which instills pride in us.
We are Bhartiyas ,India is a name given by the British & it has been long overdue to get our original name ‘Bharat’ back officially. I urge the @BCCI @JayShah to ensure that this World Cup our players have… https://t.co/R4Tbi9AQgA— Virender Sehwag (@virendersehwag) September 5, 2023
واضح رہے کہ اس سے قبل سابق بھارتی اوپنر نے 2 ستمبر کو پاک بھارت میچ بارش کے باعث بے نتیجہ ختم ہونے پر طنزیہ ٹویٹ کیا تھا جس میں لکھا تھا کہ بارش کے وقت چائے پکوڑے رکھے ہیں ایشیا کپ بھی رکھ دیا۔
Baarish ke time toh Chai Pakode rakhte hain yaar.
Asia cup bhi rakh diya. #BHAvsPAK— Virender Sehwag (@virendersehwag) September 2, 2023
اس ٹویٹ میں سہواگ نے ہیش ٹیگ ’انڈیا بمقابلہ پاکستان’ کے بجائے ’بھارت بمقابلہ پاکستان’ استعمال کیا تھا جو سب کی توجہ کا مرکز بن گیا تھا اور جب گزشتہ روز بھارتی وزیراعظم نریندر مودی نے باضابطہ انڈیا کا نام تبدیل کرکے بھارت رکھنے کے حوالے سے اہم اعلان کیا تو سوشل میڈیا پر یہ تبصرے آنا شروع ہو گئے کیا ملک کا نام تبدیل ہونے کا سہواگ کو پہلے سے پتہ تھا۔
India to Bharat: Sehwag knew this before anyone else 🤣 https://t.co/x5n5sVoBtj pic.twitter.com/8AbdgnY30Y
— Johns (@JohnyBravo183) September 5, 2023
جانی براوو نامی ایکس صارف نے وریندر کی پوسٹ کو ری شیئر کرتے ہوئے لکھا کہ ’انڈیا کا نام بھارت ہونے سے متعلق سب سے پہلے سہواگ کو معلوم تھا۔
