مرد ہوں یا خواتین موجودہ دور میں ہر شہری کو سیلف ڈیفنس کی تربیت حاصل کرنا لازمی ہے کیونکہ اس تربیت سے خود اعتمادی میں اضافہ اور مشکل حالات سے مقابلہ کرنے کی ہمت بھی پیدا ہوتی ہے۔
اس حوالے سے اے آر وائی نیوز کے پروگرام باخبر سویرا میں ماہر سلیف ڈیفنس ٹرینر زینب بروہی نے مارشل آرٹ کی اہمیت اور اس کی افادیت سے ناظرین کو آگاہ کیا۔
انہوں نے کہا کہ عام طور پر خواتین کیلئے طاقتور ہونا اتنا اہم نہیں جتنا سیلف ڈیفینس کی تکنیک کو جاننا ضروری ہے کیونکہ سیلف ڈیفینس سے وہ باآسانی اپنا بچاؤ اور صورتحال کا ڈٹ کر مقابلہ کرنے کی ہمت بھی کرسکتی ہیں۔
زینب بروہی کا کہنا تھا کہ ایک مرتبہ آفس سے واپسی پر رش کے باوجود ایک شخص میرے قریب سے گزرا اور اس نے میرے جسم کو بیڈ ٹچ کرنے کو شش کی اور تیزی سے گزر گیا ایک لمحے کے لیے میرا دماغ سن ہوگیا اور میں سکتے میں رہ گئی۔
اب میری شخصیت میں بہت اعتماد آچکا ہے، اس واقعہ نے مجھے اس قابل بنا دیا ہے کہ کسی کا بھی ڈٹ کر مقابلہ کرسکتی ہوں اور اب کوئی میرے ساتھ کسی بھی قسم کی غلط حرکت کرنے کی کوشش بھی کرے تو اس سے باآسانی نمٹ سکتی ہوں۔
ان کا مزید کہنا تھا کہ اب میں نہ صرف خود اس قابل ہوں بلکہ ایک تنظیم کے تحت 1200 لڑکیوں کو بائیک رائیڈنگ اور سیلف ڈیفنس کی تربیت بھی دے چکی ہوں۔
