15.4 C
Ashburn
اتوار, مئی 19, 2024
اشتہار

سینیٹ الیکشن: پنجاب سے کس کس نے کاغذات نامزدگی جمع کروائے؟

اشتہار

حیرت انگیز

اسلام آباد: 4 اپریل 2024 کو ہونے والے سینیٹ الیکشن کیلیے پنجاب کی 12 نشستوں پر کاغذات نامزدگی کی وصولی مکمل ہوگئی۔

پنجاب سے سینیٹ الیکشن کیلیے 28 امیدواروں نے کاغذات جمع کروائے۔ 7 جنرل نشستوں پر 17 امیدوار،  ٹیکنوکریٹس کی 2 نشستوں پر 3 امیدوار، خواتین کی 2 نشستوں پر 5 امیدوار مدمقابل ہوں گے۔ ایک اقلیتی نشست پر 3 امیدوار آمنے سامنے ہوں گے۔

پنجاب کی 7 جنرل نشستوں پر پرویز رشید، طلال چوہدری، محسن نقوی، محمد اورنگزیب، ناصر بٹ اور مصدق ملک نے کاغذات نامزدگی جمع کروائے۔

- Advertisement -

وزیر داخلہ محسن نقوی  نے آزاد جبکہ وزیر خزانہ محمد اورنگزیب نے مسلم لیگ (ن) کے امیدوار کے طور پر کاغذات جمع کرائے۔

سنی اتحاد کونسل کی جانب سے حامد خان، عمر سرفراز چیمہ نے کاغذات جمع کروائے۔ زلفی بخاری، اعجاز منہاس نے جنرل نشستوں پر کاغذات نامزدگی جمع کرائے۔ یاسمین راشد نے ٹیکنوکریٹ نشست پر کاغذات نامزدگی جمع کرائے۔

ایم ڈبلو ایم کے راجہ ناصرعباس نے جنرل نشست پر کاغذات نامزدگی جمع کرائے جبکہ خواتین نشست پر فائزہ ملک، صنم جاوید، انوشے رحمان اور بشریٰ انجم بٹ نے کاغذات جمع کروائے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں