سینیٹ الیکشن سے قبل موجودہ ایوان بالا کا آخری اجلاس پیر 19 فروری کو طلب کر لیا گیا ہے۔
اے آر وائی نیوز کو ذرائع سے ملنے والی اطلاعات کے مطابق سینیٹ الیکشن سے قبل موجودہ ایوان بالا کا اجلاس پیر 19 فروری کو چیئرمین سینیٹ صادق سنجرانی کی زیر صدارت منعقد ہوگا۔
پارلیمانی ذرائع نے بتایا ہے کہ سینیٹ کا اجلاس طلب کرنے کے لیے سمری صدر مملکت ڈاکٹر عارف علوی کو ارسال کر دی گئی ہے۔
اس اجلاس میں سینیٹ اراکین الوداعی تقریر کریں گے۔
واضح رہے کہ آئین پاکستان کے مطابق سینیٹ کے نصف اراکین کا انتخاب آئندہ ماہ مارچ میں ہوگا جس کا الیکٹورل کالج چاروں صوبائی اسمبلیاں ہوں گی۔
زاہد حسین مشوانی اے آر وائی نیوز کے سینئیر صحافی ہیں ،پارلیمنٹ ،انتخابات ،الیکشن کمیشن آف پاکستان کے علاوہ مذہبی اور سیاسی امور پر گہری نظر رکھتے ہیں۔