اسلام آباد سینیٹر افنان اللہ کے بیان کے بعد سوالات کھڑے ہوگئے کہ کیا اب بجلی کے بعد پاکستان میں انٹرنیٹ کی بھی لوڈشیڈنگ ہوگی؟
تفصیلات کے مطابق سینیٹر افنان اللہ نے اے آر وائی نیوز کے پروگرام ‘سوال یہ ہے’ میں گفتگو کرتے ہوئے کہا کہ انٹرنیٹ سروسز میں سست روی فائروال کی انسٹالیشن کی وجہ سےہے، فائر وال کی انسٹالیشن ہوگئی ہے تجرباتی مرحلہ چل رہاتھا جومکمل ہوگیاہے۔
افنان اللہ کا کہنا تھا کہ پتہ چلاہےکہ آئندہ3دن میں معاملہ بہتر ہوجائےگی، کچھ نیٹ ورکس میں مسئلہ ہےآج صورتحال بہت بہترہوگئی ہے۔
انھوں نے بتایا کہ آئی ٹی شعبہ کی ایکسپورٹ9ملین ڈالرفی دن ہے، نیٹ کی سست روی سےآئی ٹی شعبے کو نقصان ہوگا۔
سینیٹر نے مزید کہا کہ ہماری سائبراسپیس کھلی تھی ڈیٹابھی چوری ہوتاتھا، فائروال لگ جائےگی اورمانیٹرنگ ہوگی توقومی مفاد کیلئے اچھا ہے۔
ان کا کہنا تھا کہ فائروال انسٹال کرنے کی وجہ سےفری لانسرز کومشکلات پیش آئیں لیکن پاکستان کو سائبر سیکیورٹی خدشات تھےجن کی وجہ سے فائروال لگانا ضروری تھا۔
افنان اللہ نے کہا کہ اگلی میٹنگ میں حکومت کو تجویز دوں گا بجلی کی طرح انٹرنیٹ کی لوڈشیڈنگ کا شیڈول بھی دیا جائے۔
