سینیٹ کے محاذ پر تحریک انصاف نے نئی حکمت عملی بنا لی۔
ذرائع کے مطابق سینیٹر اعظم سواتی کو سینیٹ میں اپوزیشن لیڈر بنائے جانے کا امکان ہے۔ سینیٹر شہزاد وسیم کی جگہ اعظم سواتی کو اس منصب پر لایا جائےگا۔
ذرائع کا کہنا ہے کہ نئے اپوزیشن لیڈر کے حوالے سے حتمی فیصلہ تحریک انصاف کےچیئرمین عمران خان کریں گے۔
پی ٹی آئی جلد اس حوالے سے ضابطے کی کارروائی کیلئے چیئرمین سینیٹ کو خط لکھےگی۔ اعظم سواتی کی جدوجہد کو دیکھتے ہوئے انہیں یہ ذمہ داری دی جارہی ہے۔
