اسلام آباد: ٹریفک قوانین کی پاسداری نہ کرنے پر تحریک انصاف کے سینیٹر فیصل جاوید کا چالان ہوگیا۔
اے آر وائی نیوز کی رپورٹ کے مطابق تحریک انصاف کے سینیٹر فیصل جاوید سیٹ بیلٹ باندھے بغیر سفر کررہے تھے، ٹریفک پولیس اہلکار اللہ دتہ نے انہیں روکا۔
ذرائع کے مطابق سیٹ بیلٹ نہ باندھنے پر سینیٹر فیصل جاوید کا چالان بھی کیا گیا۔
سینیٹر فیصل جاوید نے سماجی رابطے کی ویب سائٹ ٹویٹر پر چالان ہونے کی تصدیق کرتے ہوئے لکھا کہ ’مجھے دوران ڈرائیونگ سیٹ بیلٹ نہ پہننے پر واقعی افسوس ہے۔
I am really sorry for not wearing the seat belt while driving and hats off to the police officer as despite recognizing me he still went on to issue me the ticket. It’s a public service message to both Awam and Khawas of our country. https://t.co/Jms61C1taQ
— Faisal Javed Khan (@FaisalJavedKhan) March 14, 2021
انہوں نے لکھا کہ پولیس افسر کے اقدام کو سراہتا ہوں کیونکہ اس نے مجھے پہچاننے کے باوجود بھی چالان کیا۔
فیصل جاوید نے کہا کہ یہ ہمارے ملک کے عوام اور خواص دونوں کے لیے عوامی خدمت کا پیغام ہے۔
مزید پڑھیں: ٹریفک قوانین کی خلاف ورزی پر سی سی پی او لاہور کا چالان
یاد رہے کہ گزشتہ سال ستمبر میں محکمہ پنجاب کے وارڈن نے ٹریفک قوانین کی خلاف ورزی پر کیپٹل سٹی پولیس آفیسر (سی سی پی او) لاہور کا چالان کردیا تھا۔
دوران ڈرائیونگ موبائل فون استعمال کرتا دیکھ کر ٹریفک پولیس اہلکار نے سی سی پی او لاہور عمر شیخ کی گاڑی کو روکا اور ٹریفک قوانین کی خلاف ورزی پر اُن کا چالان کیا تھا۔