The news is by your side.

Advertisement

نجی ایئرلائن کا طیارہ حادثے سے بال بال بچ گیا ، ویڈیو سامنے آگئی

کراچی : لاہور سے دبئی جانیوالی والی پرواز سے پرندہ ٹکرا گیا، طیارہ 900فٹ بلندی پر تھا تاہم کپتان نے طیارے کو باحفاظت اتار لیا۔

تفصیلات کے مطابق لاہور سے دبئی جانیوالی نجی ایئرلائن کی پرواز حادثے سے بال بال بچ گئی، پرواز کے اڑان بھرنے کے کچھ ہی دیر بعد طیارے سے پرندہ ٹکرا گیا۔

ایئرپورٹ منیجر نے بتایا کہ کپتان نے لاہور ایئرپورٹ پر ایمرجنسی لینڈنگ کیلئے کنٹرول ٹاور سے رابطہ کیا جس پرکنٹرول ٹاور نے طیارے کو لینڈنگ کی اجازت دے دی۔

ایئرپورٹ پر احتیاطی تدابیر کے طور پر فائر بریگیڈ اور ریسکیو ٹیمیں طلب کرلی گئیں ، طیارہ 900فٹ بلندی پر تھا تاہم کپتان نے طیارے کو باحفاظت اتار لیا ۔

سرین ایئر کے سی ای او ایئر وائس مارشل ریٹائرڈصفدر ملک نے اے آروائی نیوز کو بتایا کہ طیارہ بوئنگ737سے پرندہ ٹکرانے کے باعث طیارے کو سینسر کو نقصان پہنچا، جس کی وجہ سے کپتان کے سسٹم نے کام کرنا چھوڑ دیا تھا۔

صفدر ملک کا کہنا تھا کہ کپتان نے حاضر دماغی کا مظاہرہ کرتے ہوئے طیارے کو مینوئل طریقے سے باحفاظت اتارا طیارے میں سو سے زائد مسافر سوار تھے۔

Comments

یہ بھی پڑھیں