The news is by your side.

Advertisement

کشتی پر سیلفی لینے کا شوق ، 7 افراد کی جان لے گیا

جکارتہ : انڈو نیشیا میں سیلفی لینے کا شوق سات افراد کی جان لے گیا ، کشتی میں سوار افراد نے گروپ سیلفی لینے کی کوشش کی ، جس کے باعث کشتی کا توازن بگڑ گیا اور تمام افراد ڈوب گئے۔

تفصیلات کے مطابق انڈو نیشیا کے جزیرے جاوا میں کشتی کے حادثے میں سات افراد ہلاک ہوگئے، سینٹرل جاوا کے پولیس چیف احمد لطفی نے بتایا کہ حادثہ اس وقت پیش آیا ، جب کشتی میں سوار سیاح سیلفی لینے کی کوشش میں ایک سائیڈ پر ہوگئے، جس کے باعث کشتی کا توازن بگڑا اور تمام افراد ڈوب گئے۔

پولیس کا کہنا تھا کہ ڈوبنے والے 11 افراد کو بچالیا گیا تاہم سات افراد ہلاک ہوگئے اور دو افراد کی تلاش ابھی تک جاری ہے۔

سینٹرل جاوا کے پولیس چیف کا کہنا تھا کہ کشتی کے ڈوبنے کی وجہ گنجائش سے زیادہ افراد کا سوار ہونا تھا، کشتی کو ایک 13 سالہ لڑکا چلا رہا تھا ، اس لئے اس بات کا جائزہ لیا جارہا ہے کہ کیا کشتیوں کو چلانے والے عفلت کے مرتکب تو نہیں۔

خیال رہے انڈونیشیا میں کشتی کے حادثات عام ہے، اپریل میں جاوا میں ہی ماہی گیروں کی کشتی ٹکرانے کے بعد 30 ماہی گیر ڈوب گئے تھے، جس میں 17 ماہی گیروں کی لاشیں نکال لی تھی اور 13 افراد کا ابھی تک کوئی پتہ نہیں چل سکا ہے۔

Comments

یہ بھی پڑھیں