The news is by your side.

Advertisement

ڈیرہ اسماعیل خان پانی کے تنازع پر فائرنگ، دو سگے بھائیوں سمیت 7 افراد جاں بحق

پشاور: صوبہ خیبرپختونخوا کے شہر ڈیرہ اسماعیل خان میں پانی کے تنازع پردو گروپوں میں فائرنگ کے نتیجے میں دو سگے بھائیوں سمیت 7 افراد جاں بحق ہوگئے۔

تفصیلات کے مطابق ڈیرہ اسماعیل خان میں محمد خلیل سے کڑی شموزئی کے علاقے میں پانی کے تنازع نے 7 افراد کی جان لے لی، ایک فریق کے 5 اور دوسرے فریق کے 2 افراد جاں بحق ہوگئے جبکہ 3 افراد زخمی بھی ہوئے۔

ذرائع کے مطابق پخہ خیل قبائل کے لوگ پہاڑی پانی کو لینے کے لیے گئے مدوزئی قبائل کے لوگوں کی جانب سے کہا گیا کہ ابھی ہمارا وقت ہے جس پر بات بڑھ گئی اور دونوں گروپوں کی جانب سے فائرنگ شروع کردی گئی۔

پولیس کے مطابق جاں بحق افراد کی شناخت لطیف، احمد شاہ، حبیب، عصمت کے ناموں سے ہوئی ہے جبکہ 2 افراد قیوم اور سلیم زخمی ہوئے۔

فائرنگ سے جاں بحق ہونے والے دو سگے بھائیوں کی شناخت ظاہر شاہ اور طاہر شاہ کے ناموں سے ہوئی جبکہ ایک شخص شاہد زخمی بھی ہوا۔

واقعے کے بعد مقامی لوگوں نے اپنی مدد آپ کے تحت زخمیوں اور لاشوں کو مقامی اسپتال منتقل کیا جہاں زخمیوں کو طبی امداد فراہم کی جاری ہے۔

پولیس نے جائے وقوعہ سے گولیوں کے خول برآمد کرلیے، اہل علاقہ کے مطابق پولیس دیر سے آنے کے باعث ملزمان فرار ہونے سے کامیاب ہوگئے جس کی سبب کوئی گرفتاری عمل میں نہ آسکی۔

Comments

comments

یہ بھی پڑھیں