واشنگٹن : امریکا نے طالبان کے ڈر سے فرار ہونے والے افغان شہریوں عارضی پناہ دینے کےلیے 13 ممالک کو رضامند کرلیا۔
غیر ملکی میڈیا کے مطابق افغانستان سے امریکی انخلاء کے بعد افغان شہریوں نے طالبان کے ڈر سے ملک چھوڑنا شروع کردیا تھا لیکن کوئی بھی ملک انہیں قبول کرنے کو تیار نہیں تھا۔
اب امریکی وزیر خارجہ انٹونی بلنکن نے کہا ہے کہ امریکا میں کلیئرنس نہ ملنے کی صورت میں 13 ممالک ایسے ہیں جنہوں نے افغانیوں کی عارضی میزبانی کرنے کی رضامندی ظاہر کی ہے۔
امریکی فوجیوں کے انخلا کے اپنے فیصلے پر سختی سے کھڑا ہوں، صدر بائیڈن
میڈیا رپورٹس کے مطابق جن ممالک نے افغان شہریوں کی میزبانی پر رضامندی ظاہر کی ہے ان میں البانیا، کینیڈا، کولمبیا، میکسیکو، پولینڈ، قطر، روانڈا، یوکرین، بحرین، برطانیہ، ڈنمارک، جرمنی اور اٹلی سمیت دیگر ممالک شامل ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں