امریکا میں موٹروے پر مسافر طیارہ گر کر تباہ ہوگیا جس کے نتیجے میں متعدد افراد ہلاک ہوگئے۔
غیرملکی خبررساں ادارے کی رپورٹ کے مطابق امریکی ریاست تیننسی میں موٹر پر ایک انجن والا مسافر بردار طیارہ شہر کے مغربی حصے میں انٹرا اسٹیٹ 40 کے قریب گر کر تباہ ہوا۔
ریسکیو ادارے جائے وقوعہ پر پہنچ گئے لیکن جہاز میں سوار تمام افراد ہلاک ہوگئے۔
طیارہ حادثے میں ہلاک ہونے والے افراد کی صحیح تعداد کا تعین نہیں کیا جاسکا ہے جبکہ ملبے کو ہٹانے کے لیے امدادی کارروائیاں جاری ہیں۔
رپورٹ کے مطابق طیارہ کے کہاں سے اڑان بھری تھی اس کا تعین کرنے کے لیے کام جاری ہے۔
میٹرو نیش ول پولیس ڈپارٹمنٹ کے ترجمان ڈان ایرون کا بتانا ہے کہ پائلٹ نے انجن میں خرابی کی اطلاع دیتے ہوئے شام 7 بجکر 40 منٹ پر جان سی ٹیون ہوائی اڈے پر ہنگای کال کی اور اسے لینڈنگ کے لیے کلیئرنس دی گئی۔
تھوڑی دیر کے بعد پائلٹ نے بتایا کہ طیارہ ہوائی اڈے تک نہیں پہنچ سکے گا۔
