کراچی: پاکستان سپر لیگ (پی ایس ایل) کے نویں سیزن کے لیے کراچی کنگز نے شان مسعود کو ٹیم کا کپتان مقرر کردیا۔
کراچی کنگز کے اونر سلمان اقبال نے ڈرافٹنگ تقریب میں کراچی کنگز کے کپتان کا اعلان کیا ہے، جس میں انہوں نے کپتانی کی کمان شان مسعود کے حوالے کی ہے۔
کراچی کنگز کے اونر سلمان اقبال نے اعلان کرتے ہوئے کہا کہ پی ایس ایل کے نویں سیزن کے لیے پُرجوش ہیں، شان پاکستان کے ٹیسٹ کپتان ہیں اور ان کے پاس کپتانی کا وسیع تجربہ ہے۔
View this post on Instagram
اس حوالے سے کراچی کنگز نے بھی سوشل میڈیا اکاؤنٹ پر بھی اعلان کیا کہ آئندہ ایچ بی ایل پی ایس ایل کے سیزن کے لیے ٹیم کی قیادت شان مسعود کریں گے۔
#KingsSquad ka 𝗦𝗵𝗮𝗻-𝗗𝗮𝗮𝗿 𝗞𝗮𝗽𝘁𝗮𝗮𝗻 👑
A new captain takes the helm, welcoming @shani_official as crowned leader of Karachi Kings in #HBLPSL9 💙❤️#YehHaiKarachi | #KarachiKings pic.twitter.com/ZjjqSVKvap
— Karachi Kings (@KarachiKingsARY) December 13, 2023
یاد رہے کہ شان مسعود سیزن نائن کیلئے ملتان سے ٹریڈ ہو کر کراچی کا حصہ بنے ہیں، پچھلے ایڈیشن میں کراچی کی قیادت کرنے والے عماد وسیم اب اسلام آباد کا حصہ ہیں۔
واضح رہے کہ پی ایس ایل 9 کے لیے کراچی کنگز نے گزشتہ سیزن کے چھ کھلاڑیوں کو ریٹین کیا ہے جبکہ دو کھلاڑی ٹریڈ کے تحت ٹیم میں شامل ہوئے ہیں۔
