پی ایس ایل 9 میں کراچی کنگز کے کپتان شان مسعود کا کہنا ہے کہ لگاتار تین میچوں میں شکست ہوئی واپسی ضروری تھی۔
راولپنڈی میں کوئٹہ گلیڈی ایٹرز کی شکست کے بعد میڈیا سے گفتگو کرتے ہوئے کنگز کے کپتان شان مسعود نے کہا کہ کوشش تھی جلد ہدف حاصل کرکے رن ریٹ بہتر کریں، حسن علی نے اچھے موقع پر وکٹیں حاصل کیں۔
شان مسعود نے کہا کہ تمام بولرز نے زبردست کارکردگی دکھائی، آئندہ میچ میں لمبی اننگ کھیلنے کی کوشش کروں گا۔
کراچی کنگز کے فاسٹ بولر حسن علی نے کہا کہ کنڈیشن فاسٹ بولنگ کے لیے آسان نہیں تھے، اچھی لینتھ پر بولنگ کرکے کامیابی حاصل کی۔
حسن علی نے کہا کہ ٹاس جیتنا خوش قسمتی ثابت ہوا۔
واضح رہے کہ کراچی کنگز نے کوئٹہ گلیڈی ایٹرز کو 7 وکٹوں سے شکست دے کر ایونٹ میں تیسری کامیابی حاصل کی ہے۔
