قومی ٹیم کے نائب کپتان شاداب خان اور جارح مزاج بیٹر افتخار احمد کو متحدہ عرب امارات کا گولڈن ویزا مل گیا۔
سماجی رابطے کی ویب سائٹ ٹوئٹر پر قومی کرکٹرز شاداب خان اور افتخار احمد کو گولڈن ویزا حاصل کرتے ہوئے تصاویر بھی شیئر کردیں۔
شاداب خان نے یو اے ای حکومت کا شکریہ ادا کرتے ہوئے لکھا کہ ’ویزا ملنا اعزاز ہے، میں پاکستان کے بعد سب سے زیادہ وقت یو اے ای میں گزارتا ہوں یہاں ہمیشہ گھر جیسا محسوس ہوتا ہے۔‘
دوسری جانب افتخار احمد نے لکھا کہ ’الحمدللہ، مجھے ایک ایسے ملک سے گولڈن ویزا ملنے کا اعزاز حاصل ہوا ہے جسے میں اپنا دوسرا گھر کہہ سکتا ہوں۔‘
Alhamdulillah, I am honoured to receive my GOLDEN VISA from a country which I can call my second home. 🇦🇪 @GDRFADUBAI
Special thanks to Moazzam Qureshi for making this happen 🤝🏼 pic.twitter.com/72aZ0M6OaD
— Iftikhar Ahmad (@IftiAhmed221) March 28, 2023
واضح رہے کہ اس سے قبل وسیم اکرم ، شعیب ملک اور کئی پاکستانی شخصیات کو یو اے ای کا گولڈن ویزا مل چکا ہے۔
یاد رہے کہ گولڈن ویزا حاصل کرنے والے افراد نیشنل اسپانسر کے بغیر یو اے ای میں تعلیم ،کاروبار اور رہائش اختیار کرسکتے ہیں۔