ملتان میں کھیلے گئے پہلے ون ڈے میچ میں پاکستان نے مہمان ویسٹ انڈیز کو 5 وکٹوں سے شکست دی۔
پہلے میچ میں لیگ اسپنر شاداب خان نے ناقابل یقین کیچ تھام کر کریز پر موجود ویسٹ انڈیز بلے باز کو 70 رنز پر پویلین کی راہ دکھائی۔
پی سی بی نے بھی شاداب خان کے شاندار کیچ کی ویڈیو شیئر کی جس میں دیکھا جاسکتا ہے کہ نواز کی گیند پر بلے باز لیگ سائیڈ پر شاٹ مارنے گئے لیکن ان سائیڈ ایج لگ کر گیند شارٹ تھرڈ مین کی جانب گئی اور شاداب نے بھاگتے ہوئے ناممکن کیچ تھام لیا۔
اب جہاں سوشل میڈیا پر ان کے کیچ کے چرچے ہورہے ہیں وہیں شاداب نے کپتان بابر اعظم سے سوال پوچھ لیا۔
شاداب نے ٹویٹر پر کپتان کو مخاطب کرتے ہوئے لکھا کہ ’جی آپ کہہ رہے تھے کہ میں بڈھا ہوگیا ہوں۔‘
Jee @babarazam258 aap keh rahe thay budha ho gaya hun mai. Meri dua hai aap is hi tarhan 100 pe 100 martay raho aur hamesha jawaan raho, Khushdil aesa hi chakkay marta rahe aur hamari behtar se behtar effort kerti rahe. #PakistanZindabad pic.twitter.com/PNbH9QpzFp
— Shadab Khan (@76Shadabkhan) June 8, 2022
لیگ اسپنر نے مزید لکھا کہ میری دعا ہے کہ آپ اسی طرح 100 پہ 100 مارتے رہو اور ہمیشہ جوان رہو، خوشدل ایسے ہی چھکے مارتے رہے اور ہماری بہتر سے بہتر کارکردگی رہے، پاکستان زندہ باد۔
واضح رہے کہ پاکستان اور ویسٹ انڈیز کے درمیان تین میچوں کی سیریز کا دوسرا ون ڈے کل کھیلا جائے گا پاکستان کو سیریز میں ایک صفر کی برتری حاصل کرلی۔
