دبئی : قومی کرکٹ ٹیم کے آل راؤنڈ شاداب خان نے بھارت کیخلاف فتح سیلاب زدگان کے نام کردی۔
تفصیلات کے مطابق قومی کرکٹ ٹیم کے آل راؤنڈ شاداب خان نے ایشیا کپ میں بھارت کے خلاف شاندار کامیابی کے بعد سماجی رابطے کی ویب سائٹ ٹوئٹر پر اپنے پیغام میں کہا کہ اس جیت کو سیلاب زدگان کے نام کرتے ہیں، انہی کی وجہ سے ٹیم نے پورے میچ میں سر نہیں جھکایا۔
ان کا کہنا تھا کہ میچ میں فتح ٹیم ورک کا نتیجہ ہے، اس میچ کے اسٹار محمد نواز اور محمد رضوان ہیں لیکن خوشدل شاہ اور آصف علی نے بھی اپنا پورا حصہ ملایا اور پوری ٹیم نے محنت کی۔
I dedicate this win to all the victims of #FloodsInPakistan, that’s why we never dropped our heads. Team effort, everyone involved. @iMRizwanPak and @mnawaz94 stars of our chase but valuable contributions from @AasifAli45 bhai, @KhushdilShah_ and all the team. #PakistanZindabad pic.twitter.com/rfKHfgAg6O
— Shadab Khan (@76Shadabkhan) September 4, 2022
خیال رہے ایشیا کپ کے سپر فور مرحلے کے اہم میچ میں پاکستان نے بھارت کو دھول چٹا دی، گرین شرٹس نے ٹی ٹوئنٹی کی تاریخ کا بھارت کے خلاف اپنا سب سے بڑا ہدف ایک سو بیاسی رنز آخری اوور میں پورا کیا۔
محمد رضوان نے اکہتررنز کی شانداراننگز کھیلی، آل راؤنڈر محمد نواز نےبیس گیندوں پر بیالیس رنز بنائے جبکہ نواز نے بہترین بولنگ کرتے ہوئے سوریا کمار یادیوکی وکٹ بھی حاصل کی اور آل راؤنڈ کارکردگی پر پلیئر آف دی میچ قرار پائے۔
