The news is by your side.

Advertisement

شاداب خان پر میچ فیس کا 20 فیصد جرمانہ عائد

کراچی: قومی ٹیم کے لیگ اسپنر شاداب خان پر کوڈ آف کنڈکٹ کی خلاف ورزی کرنے پر میچ فیس کا بیس فیصد جرمانہ عائد کردیا گیا۔

لیگ اسپنر نے گزشتہ روز ونڈیز کے خلاف دوسرے ٹی ٹوئنٹی میچ میں والٹن کو آؤٹ کرنے کے بعد اشارہ کیا تھا، شاداب کو ایک ڈی میرٹ پوائنٹ کا بھی سامنا کرنا پڑا۔

شاداب خان کے رویے کی رپورٹ فیلڈ امپائرز کی جانب سے کی گئی جس پر میچ ریفری ڈیوڈ بون نے جرمانہ عائد کیا۔

واضح رہے کہ گزشتہ روز والٹن کو 40 رنز پر شاداب خان نے اپنے نویں اوور میں آؤٹ کرنے کے بعد اشارہ کیا تھا، لیگ اسپنر نے اپنی غلطی کو تسلیم کرتے ہوئے جرمانہ قبول کرلیا ہے، انہوں نے میچ میں دو وکٹیں حاصل کی تھیں۔

خیال رہے کہ گزشتہ روز نیشنل اسٹیڈیم کراچی میں جاری ٹی ٹوئنٹی میچ میں پاکستان نے ونڈیز کو 82 رنز سے شکست دی تھی، سیریز کا آخری اور تیسرا ٹی ٹوئنٹی میچ آج کھیلا جائے گا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں