قومی ٹیم کے آل راؤنڈر شاداب خان نے افغانستان کے خلاف پہلے ون ڈے میچ میں شاندار کیچ پکڑ لیا۔
ہمبنٹوٹا میں کھیلے گئے پہلے ون ڈے میچ میں پاکستان کی جانب سے دیے گئے 202 رنز کے تعاقب میں افغانستان کی ٹیم 19.2 اوورز میں 59 رنز پر ڈھیر ہوگئی۔
افغانستان کے 9 بلے باز ڈبل فگر میں بھی داخل نہ ہوسکے، رحمان اللہ گرباز 18، عظمت اللہ عمر زئی 16 رنز بناسکے۔
حارث رؤف نے پانچ کھلاڑیوں کو پویلین کی راہ دکھائی، شاہین آفریدی نے دو وکٹیں حاصل کیں جبکہ نسیم شاہ اور شاداب خان ایک، ایک وکٹ حاصل کرسکے۔
1️⃣-0️⃣ in emphatic style 💥
What an incredible bowling performance to win the first ODI by 142 runs! 💪#AFGvPAK | #BackTheBoysInGreen pic.twitter.com/o7Hgslpt31
— Pakistan Cricket (@TheRealPCB) August 22, 2023
میچ میں قومی ٹیم کی فیلڈنگ بھی لاجواب رہی اور آل راؤنڈر شاداب خان کے سپر مین کیچ کی ویڈیو سوشل میڈیا پر وائرل ہورہی ہے۔
ویڈیو میں دیکھا جاسکتا ہے کہ نسیم شاہ کی گیند پر شاداب خان نے شاندار کیچ پکڑا اور افغانستان کے کپتان حشمت اللہ شاہدی کو بغیر کوئی رن بنائے پویلین روانہ کیا۔
Catch of the year from Shadab Super Star Khan. pic.twitter.com/m0v5qn0rGn
— Nawaz 🇵🇰 (@Rnawaz31888) August 22, 2023
کمنٹیٹرز کی جانب سے بھی شاداب خان کے کیچ کی تعریف کی گئی اور کرکٹ شائقین بھی ان کے کیچ کو لاجواب قرار دے رہے ہیں۔
واضح رہے کہ شاداب خان نے 39 رنز کی ذمہ دارانہ اننگز بھی کھیلی اور ایک وکٹ بھی حاصل کی جبکہ حارث رؤف کو 5 وکٹیں حاصل کرنے پر میچ کا بہترین کھلاڑی قرار دیا گیا۔