The news is by your side.

اس وقت لڑکیوں کی تعلیم ایک بڑا چیلنج ہے: وفاقی وزیر تعلیم

اسلام آباد: وفاقی وزیر تعلیم شفقت محمود نے کہا ہے کہ اس وقت لڑکیوں کی تعلیم ایک بڑا چیلنج ہے، موجودہ حکو مت میں آپ تعلیم کے شعبے میں بڑی تبد یلی دیکھیں گے۔

تفصیلات کے مطابق شفقت محمود نے اسلام آباد میں بچیوں کی تعلیم پر سیمینار سے خطا ب کرتے ہوئے کہا کہ حکومت بچیوں کی تعلیم کو ایک بڑا چیلنج سمجھتی ہے، تعلیم کے شعبے میں تبدیلی لائیں گے۔

انھوں نے کہا کہ تقریباً 2 کروڑ بچے اسکولو ں سے باہر ہیں، اسکولوں میں سہو لیات کی کمی کی وجہ سے والد ین اپنے بچوں کو اسکو ل بھیجنے کے لیے تیار نہیں ہوتے۔

وزیرِ تعلیم نے کہا کہ گزشتہ 70 سال سے تعلیم پر تو جہ نہیں دی گئی، جس کی وجہ سے آج تقر یباً دو کروڑ بچے اسکولوں سے باہر ہیں، صورت حال کو بہتر کرنے کے لیے تعلیم پر توجہ دینے کی ضرورت ہے۔

یہ بھی پڑھیں:  تعلیم کا فروغ، ٹیم سرعام کا ملک گیر تحریک شروع کرنے کا اعلان

انھوں نے کہا کہ جرمنی اور جاپان دوسری جنگ عظیم میں تباہ ہو گئے تھے لیکن صرف ایک دہائی کے اندر یہ ممالک اپنے پیروں پر کھڑے ہو گئے۔

ان کا کہنا تھا کہ تعلیمی نظام میں برابری لانا ضروری ہے، مرد و خواتین مل کر قومو ں کو آگے لے کر جاتے ہیں، ہم یکساں نظام تعلیم لے کر آ رہے ہیں۔ غربت کا تعلیم پر بڑا اثر ہے، ایک غریب بندے کے اتنے مسائل ہوتے ہیں کہ وہ اپنے بچوں کی تعلیم پر توجہ نہیں دیتا۔

شفقت محمود نے کہا کہ ہما ری وزارت تحقیقاتی اور ٹیکنالوجی تعلیم پر زیا دہ فوکس کر رہی ہے، کمیونٹی اسکولز سسٹم کے تعلیمی میدان میں بڑی خدمات ہیں، اگر ان کو کوئی مسائل ہوں تو حل کریں گے۔

Comments

یہ بھی پڑھیں