سینئر مشہور و معروف اداکارہ شگفتہ اعجاز نے اپنی زندگی میں بہت سی تکالیف کا سامنا کیا اور ہر مشکل وقت میں ڈٹی رہیں وہیں ان کے پیارے رشتوں کے پے در پے بچھڑنے کے باعث انہیں گہرا صدمہ پہنچا۔
سینئر اداکارہ نے ایک وی لاگ میں اپنے چاہنے والوں کو اپنی والدہ، والد اور بڑی بہن کی موت سے متعلق آگاہ کیا۔
شگفتہ اعجاز کا کہنا تھا کہ میری بہن کو مجھ سے بچھڑے ہوئے آج 2 سال گزر گئے ہیں۔ اس کی اچانک موت سے میں بہت کمزور ہوگئی ہوں۔ 10 ماہ کے عرصے میں گھر سے 3 جنازے اٹھتے دیکھے ہیں جس نے میری روح کو جھنجھوڑ دیا ہے۔
شگفتہ اعجاز نے بتایا کہ والدہ کو کئی سال پہلے یوٹرس میں کینسر ہوا جو ٹھیک ہوچکا تھا لیکن وفات سے قبل بریسٹ کینسر اور جسم کے کئی حصوں میں اس کی تشخیص ہوئی اور اس کے باعث ان کا انتقال ہوگیا۔
ان کے بعد اچانک بہن بیمار ہوئیں اور جب ان کا ٹیسٹ ہوا تو ڈاکٹر نے بتایا کہ یہ صرف 4 مہینے کی مہمان ہیں ۔
انہوں نے کہا کہ وہ مراحل آج بھی جب آنکھوں کے سامنے آ تے ہیں تو میرے لئے خود کو سنبھالنا مشکل ہوجاتا ہے۔
پھر کچھ ماہ بعد میرے والد بھی دنیا سے رخصت ہوگئے، ابو شوگر کے مریض تھے ان کی حالت آخر میں اتنی خراب ہوئی کہ ایک ٹانگ کو بھی کاٹنا پڑا تھا۔
معروف بھارتی اداکارہ اور گلوکار حادثے میں ہلاک
اداکارہ نے کہا کہ میری بہن سانس کے مسائل کی شکار تھیں، ساتھ ہی انہیں جگر کی تکلیف بھی ہوئی، پھر جب ٹیسٹ ہوا تو معلوم ہوا کہ ان کو کینسر colango carcinoma ہے جو جگر کا کینسر تھا۔ اسی مرض کے باعث اُن کا بھی انتقال ہوگیا۔
