پاکستان شوبز انڈسٹری کی سینیئر اداکارہ شگفتہ اعجاز خود پر تہمتیں لگانے والے افراد کو جواب دیتے ہوئے ویڈیو میں آبدیدہ ہوگئیں۔
اداکارہ شگفتہ اعجاز نے اپنے یوٹیوب چینل پر ایک مختصر ویڈو شیئر کی ہے، ویڈیو میں انہوں نے کچھ کمنٹس کے اسکرین شارٹس شیئر کیے، جس میں صارفین نے ان پر تنقید کی ہوئی تھی۔
شگفتہ اعجاز نے جن کمنٹس کے اسکرین شاٹس شیئر کیے، وہ ان کی مختلف یوٹیوب ویڈیوز پر کیے گئے تھے، جس میں دبئی میں دکھائی دیں۔
صارفین نے ان کی ویڈیوز کے کمنٹ پر ان پر تہمتیں لگائیں، پروڈیوسر یحیٰ سے دولت کی خاطر شادی کرنے اور ان کی بچی ہوئی دولت ہڑپنے کا الزام لگایا جس پر اداکارہ نے انہیں معاف نہ کرنے کا اعلان کیا ہے۔
تاہم ان الزامات پر اداکارہ نے مختصر ویڈیو شیئر کی اس دوران وہ آبدیدہ بھی ہوگئیں، شگفتہ اعجاز نے کہا کہ میں الزام لگانے والوں کو کبھی معاف نہیں کروں گی، قیامت کے دن میں ان کا گریبان پکڑوں گی۔
شگفتہ اعجاز نے کہا کہ میں دبئی میں عیاشیاں کرنے نہیں آئی بلکہ ایک بینک اکاؤنٹ تھا جو بند ہوگیا اور اس میں جمع پیسے حکومت کے اکاؤنٹ میں چلے گئے، اس لیے میں اسے کھلواکر اپنے پیسے لینے آئی ہوں۔
اداکارہ نے آبدیدہ ہوتے ہوئے کہا کہ میں نے شوبز انڈسٹری میں شادی سے پہلے اور شادی کے بعد 35 سال تک کام کیا، میں نے پیسوں کی خاطر شادی نہیں کی، صرف بیٹیوں کے لیے شادی کی۔
ان کا کہنا تھا کہ یحیٰ سے شادی کے بعد بھی میں اپنے تمام اخراجات خود اٹھاتی ہوں میرے شوہر صرف بلز اور ایک ملازم کی تنِخواہ دیتے ہیں، میں نے یحیٰ سے پیسوں کی خاطر شادی نہیں کی۔
ویڈیو میں انہوں نے یہ بھی انکشاف کیا کہ میرے شوہر گزشتہ پانچ سال سے کینسر میں مبتلا ہیں اور ان کا علاج جاری ہے اور شوہر کے کینسر میں مبتلا ہونے کی وجہ سے ہم پریشان ہیں، جس کا لوگوں کو احساس نہیں۔
شگفتہ اعجاز نے سوال کیا کہ ان کے بیمار شوہر کا علاج ان پر تہمتیں لگوانے والے کرواتے ہیں؟ مختصر ویڈیو میں شگفتہ اعجاز تہمتیں لگانے والوں پر بات کرتے ہوئے آبدیدہ ہوگئیں اور الزام لگانے والوں کو معاف نہ کرنے کا اعلان بھی کیا۔
