The news is by your side.

Advertisement

کرونا وائرس: اداکارہ شگفتہ اعجاز کی اپنے مداحوں کے لیے تجاویز

معروف پاکستانی اداکارہ شگفتہ اعجاز نے اپنے مداحوں کو کرونا وائرس کے خلاف احتیاطی تدابیر اپنانے، اور اپنا اور اپنے گھر والوں کا خیال رکھنے کی تجویز دے دی۔

شگفتہ اعجاز نے سماجی رابطے کی ویب سائٹ انسٹا گرام پر اپنی ماسک پہنی ہوئی تصویر شیئر کی۔ انہوں نے اپنے مداحوں کو تاکید کی کہ وہ خوفزدہ ہونے یا حد سے زیادہ خود اعتماد بننے کے بجائے احتیاطی تدابیر اپنائیں۔

اپنی پوسٹ میں شگفتہ اعجاز کا کہنا تھا کہ کرونا وائرس نے دنیا بھر میں خوف و ہراس پھیلا دیا ہے اور لوگوں نے بڑی مقدار میں ضروری اشیا خرید کر رکھ لی ہیں جیسے ماسک، سینی ٹائزر، تھرما میٹرز وغیرہ جس کی وجہ سے ان کی قلت پیدا ہوگئی ہے۔

انہوں نے کہا کہ لوگوں نے غیر ضروری طور پر اپنے گھروں سے نکلنا بند نہیں کیا، یاد رکھیں آپ کی صحت اور حفاظت پہلی ترجیح ہونی چاہیئے۔ ریستوران، مووی تھیٹرز اور مال وہیں اپنی جگہ پر موجود ہیں اور حالات بہتر ہوتے ہی کھل جائیں گے۔

 

View this post on Instagram

 

The Corona virus has caused so much unnecessary panic all around the world. People have bought all necessary resources in bulk causing a shortage of sanitisers, masks, thermometers, anti bacterials all over the country. Everyone is uninformed about the disease itself and no one is willing to give up unnecessarily leaving their homes. Your health and safety comes first, the restaurants and movie theatres and malls will still be here when everything settles down. It is your duty as an individual to keep yourself and your family safe. Just because you’re young and strong doesn’t mean you can’t extract the virus and pass it on to someone with a weakened immune system in your home. Don’t risk your loved ones health by being overconfident. Stay at home as much as you can. Wash your hands frequently and don’t touch your face. Socially distance yourself and keep a 3 feet distance from everyone around you. If you have a fever, cough, flu and difficulty breathing, please do not hesitate to seek medical attention. Please pray that Allah helps us and everyone around us through this difficult time and puts an end to all this very soon. Ameen! 🙏🏻

A post shared by Shagufta Ejaz 💫 (@shaguftaejazofficial) on

شگفتہ اعجاز کا کہنا تھا کہ یہ آپ کی ذمہ داری ہے کہ آپ اپنی اور اپنے اہلخانہ کی حفاظت کریں۔ اگر آپ نوجوان اور مضبوط ہیں تو اس کا مطلب یہ نہیں کہ آپ متاثر نہیں ہوسکتے۔ آپ وائرس ان افراد میں پھیلانے کا سبب بن سکتے ہیں جو کمزور قوت مدافعت رکھتے ہیں۔

انہوں نے کرونا وائرس سے بچاؤ کی اسٹینڈرڈ حفاظتی تدابیر دہراتے ہوئے کہا کہ زیادہ سے زیادہ گھر کے اندر وقت گزاریں، اپنے ہاتھوں کو بار بار دھوئیں اور چہرے کو نہ چھوئیں، سماجی طور پر اپنے آپ کو الگ تھلگ کرلیں، اور اپنے آس پاس موجود افراد سے 3 فٹ کا فاصلہ رکھیں۔

انہوں نے کہا کہ اگر آپ بخار، کھانسی، فلو اور سانس لینے میں تکلیف کا شکار ہیں تو ڈاکٹر سے رجوع کرنے میں بالکل نہ ہچکچائیں۔

آخر میں انہوں نے لکھا کہ دعا کریں کہ اللہ ہم سب کی اس مشکل وقت میں مدد کرے اور اس بیماری کا جلد خاتمہ کرے۔

fb-share-icon0
Tweet 20

Comments

comments

یہ بھی پڑھیں