اسلام آباد : تحریک انصاف کے وائس چیئرمین شاہ محمود، اسد عمر اور اسد قیصر کی ضمانت کی درخواستیں خارج کردی گئیں۔
تفصیلات کے مطابق سیشن عدالت نے شاہ محمود قریشی، اسد عمر اور اسد قیصر کیخلاف تھانہ ترنول کے مقدمے میں ضمانت کی درخواستیں خارج کردیں۔
ایڈیشنل سیشن جج طاہر عباس سپرا نے دائر درخواستوں پر محفوظ فیصلہ سنا دیاضمانت خارج ہونے کے بعد اسد عمر اور شاہ محمود قریشی گاڑی میں بیٹھ کر کچہری سے واپس چلے گئے۔
ذرائع کے مطابق شاہ محمود قریشی اور اسد عمر ایک ہی گاڑی میں سیشن عدالت سے روانہ ہوئے، دوسری جانب سیشن عدالت سے ضمانت منسوخ ہونے پر پی ٹی آئی کے مقامی رہنما خان بہادر کو گرفتار کرلیا گیا،خان بہادر تھانہ ترنول مقدمے میں نامزد تھا۔
قبل ازیں ایڈیشنل ڈسٹرکٹ اینڈ سیشن جج طاہر عباس سپرا نے مقدمات کی سماعت کی، جج نے شاہ محمود قریشی اور اسد عمر کی ضمانت کنفرمیشن کی درخواستوں پر دلائل مکمل ہونے کے بعد فیصلہ محفوظ کرلیا تھا۔
