The news is by your side.

Advertisement

مودی کی حماقت نے مسئلہ کشمیر کو فلیش پوائنٹ بنا دیا: شاہ محمود قریشی

اسلام آباد: وزیر خارجہ شاہ محمود قریشی نے کہا ہے کہ مودی کی حماقت نے مسئلہ کشمیرکو فلیش پوائنٹ بنا دیا.

ان خیالات کا اظہار انھوں‌ سینیٹ اجلاس میں خطاب کرتے ہوئے کیا، ان کا کہنا تھا کہ بھارت کے اندر بھی مودی اقدام کے خلاف آوازیں اٹھ رہی ہیں.

شاہ محمود قریشی نے کہا کہ بھارتی سپریم کورٹ میں مودی کےغیر قانونی اقدام کے خلاف14 درخواستیں دائرکی گئیں، بھارتی سپریم کورٹ پر انتہا پسند ہندو تنظیموں کا شدید دباؤ ہے.

وزیرخارجہ نے کہا کہ مسئلہ کشمیر پرپوری پاکستانی قوم کا واضح اورایک مؤقف ہے، مسئلہ کشمیر پرچین کی مشاورت کے ساتھ سلامتی کونسل گئے.

سلامتی کونسل میں مسئلہ کشمیر اٹھنے پر بھارتی اندرونی معاملات کے بیانئےکی قلعی کھل گئی، سلامتی کونسل میں 54سال کے بعدبہ طور عالمی تنازعہ مسئلہ کشمیر زیربحث آیا، آج پاکستان کی منتخب سول قیادت اور عسکری حکام ایک صفحے پر ہیں۔

مزید پڑھیں: کشمیریوں سے اظہار یکجہتی، وزیراعظم عمران خان کی عوام سے کل باہر نکلنے کی اپیل

غیرقانونی اقدام پر بھارتی سیاسی جماعتیں بھی ایک پیج پر نہیں، بھارتی اقدام کے خلاف بھارتی سپریم کورٹ میں بھی کیس دائر ہے.

شاہ محمود قریشی نے کہا کہ بھارتی سپریم کورٹ کا امتحان ہے، کیوں کہ ہند توا کا دباؤ ہے، پاکستانی قوم کو متحد ہونے کی ضرورت ہے.

مایوسی کی ضرورت نہیں،قوموں پر ایساوقت آتا ہے، ہم دیکھنا یہ ہے کہ کیسے آگے بڑھنا ہے، بھارت نے لابنگ کی ہے مقبوضہ کشمیر اندرونی مسئلہ ہے.

Comments

comments

یہ بھی پڑھیں