اسلام آباد : وزیر خارجہ شاہ محمود قریشی کا کہنا ہےبھارتی انتخابات کےنتائج 23 مئی تک سامنےآئیں گے، 23 مئی تک ہمیں ہوشیار رہنا ہوگا، ہم نےجو اقدامات کیے وہ اپنے طور پر کیے۔
تفصیلات کے مطابق سینیٹرمشاہدحسین سیدکی زیرصدارت قائمہ کمیٹی وزارت خارجہ کے اجلاس وزیر خارجہ شاہ محمود قریشی نے کہا یو اے ای میں سزا پوری کرنےوالےقیدیوں کی واپسی کیلئےکوشاں ہیں، سعودی عرب سے بات ہوچکی،2107قیدی رہاہوں گے، یواےای کےساتھ قیدیوں کی رہائی پربات جاری ہے، رمضان میں یواے ای کی جانب سےخوشخبری ملےگی۔
قیدیوں کی رہائی ، رمضان میں یواے ای کی جانب سےخوشخبری ملےگی
پلواما واقعے کے بعد وزارت خارجہ کے کردار پر وزیر خارجہ نے بریفنگ دیتے ہوئے کہا پلوامہ واقعےکےدوران میں یواین سیکیورٹی کونسل اجلاس میں تھا، ہم نےسب سےپہلے پلوامہ واقعہ کی مذمت کی، بھارت نے10منٹ میں پاکستان پرالزام عائدکیا، دنیا کو بتایا بھارت نے بغیرتحقیق کے پاکستان پر الزام عائدکیا۔
شاہ محمودقریشی کا کہنا تھا سرحدوں کی خلاف ورزی پرافریقی،یورپی سفیروں کوبریفنگ دی، یواین سیکرٹری جنرل کوبھارتی ردعمل پرخط بھی لکھا، دنیاکو بتایا بھارت معاملےکوغلط رنگ دے رہا ہے۔
انھوں نے کہا بھارتی انتخابات کےنتائج 23 مئی تک سامنےآئیں گے، 23 مئی تک ہمیں ہوشیار رہنا ہوگا، ہم نےجو اقدامات کیے وہ اپنے طور پر کیے، ہم پربھارتی پائلٹ کورہاکرنےکےکاکوئی دباؤنہیں تھا۔
عمران خان کےمودی کےماضی سے متعلق بیانات ریکارڈپرہیں
وزیر خارجہ کا کہنا تھا کشمیرکاآزادتشخص،مودی کےبیان نےبھارتی مؤقف کمزورکیا، محبوبہ مفتی کاردعمل آپ سب کےسامنےہے، محبوبہ مفتی نےکہاہماری قسمت میں آزادی ہےتوہم تیار ہیں۔
شاہ محمودقریشی نے کہا وزیراعظم کی گفتگوکوسیاق وسباق سےہٹ کربیان کیاگیا، وزیراعظم کےمودی سےمتعلق مؤقف کومیں جانتاہوں، عمران خان کےمودی کےماضی سے متعلق بیانات ریکارڈپرہیں، مودی کےآرایس ایس سےتعلق سےمتعلق بیانات موجودہیں۔
ہم نہ کسی کےیارہیں نہ مددگارہیں
بھارت میں انتخابات کے حوالے سے ان کا مزید کہنا تھا بھارتی انتخابات میں ہارجیت کافیصلہ بھارتی ووٹرزنےکرناہے، بھارتی میڈیاکچھ زیادہ ہی سنسنی خیزی سےکام لیتاہے، ہم نہ کسی کےیارہیں نہ مددگارہیں۔
