اسلام آباد: پی ٹی آئی کے وائس چیئرمین شاہ محمود قریشی کو اسلام آباد سے گرفتار کرلیا گیا ہے۔
اے آر وائی نیوز کے مطابق پی ٹی آئی کے وائس چیئرمین شاہ محمود کو قریشی کو نقص امن کے پیش نظر اسلام آباد پولیس نے گرفتار کیا ہے۔
پولیس حکام کے مطابق شاہ محمود قریشی کو ریڈ زون سے گرفتار کیا گیا ہے۔
اس سے قبل پی ٹی آئی کے جنرل سیکریٹری اسد عمر کو بھی اسلام آباد پولیس نے گرفتار کیا تھا۔
واضح رہے کہ سابق وزیراعظم اور پی ٹی آئی چیئرمین عمران خان کی گزشتہ روز گرفتاری کے بعد سے ملک بھر میں پی ٹی آئی کارکنوں کا احتجاج جاری ہے جس میں متعدد سرکاری املاک کو بھی نقصان پہنچایا گیا ہے۔
دوسری جانب پنجاب اور خیبرپختونخوا کے بعد وفاقی دارالحکومت میں فوج طلب کرنے کا فیصلہ کیا گیا ہے۔ وزارت داخلہ کی اجازت پر ضلعی انتظامیہ فوج کو خط لکھے گی۔
ذرائع کے مطابق سرینگر ہائی وے کی صورتحال پر رینجرز اور اےٹی ایس کمانڈوز کو ٹا سک دے دیا گیا ہے۔ حکام کو ہدایت کی گئی ہے کہ سری نگر ہائی وے فوری ایکشن کر کے کلیئر کرایا جائے جب کہ سرینگرہائی وے سے ایئرپورٹ تک روڈ کو خالی کرانے کا حکم دیا گیا ہے
