راولپنڈی: پاکستان تحریک انصاف کے وائس چیئرمین شاہ محمود قریشی کا کہنا ہے کہ مذاکرات بے نتیجہ رہے تفصیلات سے سپریم کورٹ کو آگاہ کردیا۔
اسلام آباد میں میڈیا سے گفتگو کرتے ہوئے پی ٹی آئی کے وائس چیئرمین شاہ محمود قریشی نے کہا کہ کہ پی ڈی ایم سرکار کیساتھ 3 نشستیں ہوئیں اسکا خلاصہ پیش کردیا ہے، تحریک انصاف دیانتدار اور نیک نیتی سے معاملات کو سلجھانے بیٹھی تھی۔
انہوں نے بتایا کہ پنجاب میں عام الیکشن کا شیڈول منطقی انجام کو پہنچ چکا ہے ، نشانات الاٹ ہوچکے حتمی امیدواروں کی فہرست آویزاں ہوچکی ہیں، ہم نے لچک دکھائی کیونکہ سیاست میں راستے کھولے جاتے ہیں۔
انہوں نے بتایا کہ مذاکرات میں پیش رفت تو ہوئی مگر کسی نتیجے پر نہیں پہنچ سکے، مذاکرات بے نتیجہ رہے تفصیلات سے سپریم کورٹ کو آگاہ کردیا ہے۔
شاہ محمود قریشی کا کہنا تھا کہ پی ٹی آئی کا فیصلہ ہے کہ آئین کا دفاع کرنا ہے، پی ٹی آئی کا فیصلہ ہے سپریم کورٹ کی آئینی حیثیت سے غافل نہیں رہنا ہے۔
انہوں نے کہا کہ پی ٹی آئی کا فیصلہ ہے کہ آئین کیساتھ کھڑا ہونا ہے، فیصلہ کیا ہے چیف جسٹس کے آئینی فیصلے کے ساتھ کھڑے ہونا ہے۔
پی ٹی آئی کے کے وائس چیئرمین نے بتایا کہ کل پاکستان کا ہر طبقہ سپریم کورٹ، چیف جسٹس کیساتھ اظہار یکجہتی کیلئے ریلیاں نکالےگا عمران خان خود لاہور میں ر یلی کی قیادت کریں گے، اسلام آباد ،پشاور میں بھی ریلی نکالی جائے گی۔
