The news is by your side.

Advertisement

وزیرخارجہ شاہ محمود قریشی کی ڈاکٹر عبداللہ عبداللہ سے ملاقات

اسلام آباد : وزیرخارجہ شاہ محمود قریشی نے فغان اعلیٰ کونسل کےچیئرمین ڈاکٹر عبداللہ عبداللہ سے ملاقات کی ، جس میں افغان مفاہمتی عمل ، امن واستحکام اور متعلقہ امور پر تبادلہ خیال کیا گیا۔

تفصیلات کے مطابق افغان اعلیٰ کونسل کےچیئرمین عبداللہ عبداللہ نے دفتر خارجہ کا دورہ کیا اور وزیر‌خارجہ شاہ محمود قریشی سے ملاقات کی، جس میں افغان مفاہمتی عمل، امن واستحکام اور متعلقہ امور پر تبادلہ خیال کیا، ڈاکٹرعبداللہ عبداللہ نے دفترخارجہ میں پودا بھی لگایا۔

خیال رہے افغان اعلیٰ کونسل کے چیئرمین عبداللہ عبداللہ وفد کے ہمراہ تین روزہ دورے پر اسلام آباد پہنچے تو مشیر تجارت عبدالرزاق داؤد نے ان کا استقبال کیا، تین روزہ دورے کے دوران عبداللہ عبداللہ صدرمملکت، وزیر اعظم، چیئرمین سینیٹ اور اسپیکر قومی اسمبلی سے ملاقات کریں گے۔

ڈاکٹر عبداللہ عبداللہ کا بطور چیئرمین مفاہمتی کونسل ، پاکستان کا یہ پہلا دورہ ہے، اس وفد میں افغان قومی مفاہمت کونسل کے مرکزی عہدیداران شامل ہیں، توقع ہے اعلیٰ سطح دورے سے افغان مفاہمتی عمل آگےبڑھانےمیں مدد ملے گی۔

Comments

یہ بھی پڑھیں