اسلام آباد: وزیر خارجہ شاہ محمود قریشی نے کہا ہے کہ افغان تنازع کے باعث پاکستان کو بہت نقصان اٹھانا پڑا.
ان خیالات کا اظہار انھوں نے سینیٹ میں اظہار خیال کرتے ہوئے کیا. وزیر خارجہ نے کہا کہ پاکستان کاہمیشہ مؤقف رہا ہے کہ افغان مسئلے کا حل مذاکرات ہے.
[bs-quote quote=” دوحہ ابوطبی مذاکرات سے امن کوششوں کی حمایت کرتے ہیں، کوشش کی جارہی ہے کہ افغان طالبان فائربندی کریں” style=”style-8″ align=”left” author_name=”وزیر خارجہ”][/bs-quote]
شاہ محمود قریشی نے کہا کہ ہم سمجھتے ہیں، 18 سال کی فوجی کارروائیوں میں مطلوبہ نتائج برآمد نہیں ہوئے، ہمیشہ افغان امن کوششوں کی حمایت کی، امریکا اور طالبان کے درمیان بات چیت میں ہم نے کردار ادا کیا.
شاہ محمود قریشی کا کہنا تھا کہ دوحہ ابوطبی مذاکرات سے امن کوششوں کی حمایت کرتے ہیں، کوشش کی جارہی ہے کہ افغان طالبان فائربندی کریں.
مزید پڑھیں: بھارت کے ساتھ تناؤ سے افغان امن کی کوششوں پراثرات پڑسکتے ہیں‘ ملیحہ لودھی
انھوں نے اپنے تحریری جواب میں کہا کہ پاکستان کولاکھوں مہاجرین، غیرقانونی تارکین وطن کا سامنا کرنا پڑا، پاکستان کومنفی اقتصادی اثرات،اربوں ڈالرزنقصان کا سامنا کرنا پڑا.
شاہ محمود قریشی کا کہنا تھا کہ ہمیشہ افغان امن کوششوں کی حمایت کی، امریکی مؤقف سے افغان امن عمل میں مثبت پیش رفت ہوئی، افغان تنازع سےاسلحہ پھیلاؤ،انتہاپسندی اوردہشت گردی کاسامناکرنا پڑا.
