The news is by your side.

Advertisement

‘دوحہ امن معاہدہ ایک بہت بڑاسنگ میل ہے’

اسلام آباد : وزیر خارجہ شاہ محمود قریشی کا کہنا ہے کہ ملاعبدالغنی برادراوروفدسےملاقاتیں ہوئی ہیں، دوحہ امن معاہدہ ایک بہت بڑاسنگ میل ہے۔

تفصیلات کے مطابق وزیر خارجہ شاہ محمود قریشی نے اپنے بیان میں کہا ہے کہ دوحہ امن معاہدہ ایک بہت بڑاسنگ میل ہے، ملاعبدالغنی برادر اور وفدسےملاقاتیں ہوئی ہیں، جس میں انٹراافغان مذاکراتی عمل کی پیش رفت پربات اور 5 جنوری سے ہونے والے مذاکرات پر بھی مشاورت ہوئی۔

یاد رہے وزیرخارجہ شاہ محمود قریشی سےافغان طالبان سیاسی کمیشن کے وفدکی ملاقات ہوئی تھی ، وفد نے ملاعبدالغنی برادر کی سربراہی میں وزیر خارجہ سےملاقات کی ، وزیرخارجہ نےافغان وفدکووزارت خارجہ آمدپرخوش آمدید کہا تھا۔

اس موقع پر شاہ محمودقریشی نے کہا تھا کہ افغان طالبان کےوفد کیساتھ گزشتہ2نشستیں انتہائی سودمندرہیں،نامن معاہدے میں پاکستان نے اپنا ممکنہ مصالحانہ کرداراداکیا، افغانستان میں قیام امن کاواحدراستہ مذاکرات کاانعقادہے۔

وزیر خارجہ کا کہنا تھا کہ پاکستان افغانستان میں مستقل قیام امن کامتمنی ہے ، افغانستان میں قیام امن پورےخطے کے امن کیلئے لازم ہے، پاکستان افغانستان کیساتھ کثیرالجہتی برادرانہ مراسم کےفروغ کامتمنی ہے۔

انھوں نے مزید کہا کہ خطےمیں بہتری کیلئےمشترکہ کاوشیں بروئےکارلانےکی ضرورت ہے، ہم افغان مہاجرین کی باوقاروطن واپسی کےمتمنی ہیں۔

شاہ محمودقریشی کا کہنا تھا کہ پاکستان اورافغانستان کےمابین گہرےتجارتی مراسم ہیں، جو گوادر پورٹ اس حوالےسےمعاون ثابت ہوسکتا ہے، ہم چاہتےہیں افغانستان کی سرزمین پاکستان کیخلاف استعمال نہ ہو، ہندوستان پاکستان کوگزندپہنچانےکیلئےاپنےوسائل بروئےکارلاتارہتاہے۔

Comments

یہ بھی پڑھیں