تازہ ترین

چیف جسٹس ہائیکورٹ عمران خان کی فوری بازیابی کے احکامات صادر کریں، شاہ محمود قریشی کا مطالبہ

لاہور : تحریک انصاف کے وائس چیئرمین شاہ محمود قریشی نے مطالبہ کیا ہے کہ چیف جسٹس ہائیکورٹ عمران خان کی فوری بازیابی کے احکامات صادر کریں۔

تفصیلات کے مطابق تحریک انصاف کے وائس چیئرمین شاہ محمود قریشی کی جانب سے بیان میں کہا گیا ہے کہ چیئرمین تحریک انصاف کی پرتشدد انداز میں گرفتاری قابل مذمت ہے، عمران خان کی گرفتاری مکمل طور پر بلاجواز اورناقابل قبول ہے۔

شاہ محمود قریشی کا کہنا تھا کہ عمران خان نےبیان میں رضاکارانہ طور پر گرفتاری دینے کی پیشکش کی، چیف جسٹس ہائیکورٹ احاطہ عدالت سے اغوا کافوری نوٹس لیں اور عمران خان کی فوری بازیابی کے احکامات صادر کریں۔

رہنما پی ٹی آئی نے کہا کہ پوری قوم انکی صحت و سلامتی کے حوالے سے تشویش میں مبتلا ہے، عمران خان کی گرفتاری کے خلاف ملک بھر میں پرامن احتجاج کریں گے، قانون کو ہاتھ میں لئے بغیر اپنا پرزور احتجاج ریکارڈ کرائیں گے۔

ان کا مزید کہنا تھا کہ مرکزی قیادت اور ایمرجنسی کمیٹی کے اراکین کا اجلاس طلب کر لیا گیاہے، صورتحال کا ہر پہلو سے جائزہ لیں گے اور بھرپور لائحہ عمل کا اعلان کریں گے، کمیٹی میں سیف اللہ نیازی ، اعظم سواتی، اعجاز چوہدری ، مرادسعید اور علی امین گنڈا پور شامل ہیں۔

Comments

- Advertisement -