The news is by your side.

Advertisement

کرتارپورراہداری ترقی کے راستے کھلنے کا باعث بنے گا، شاہ محمود قریشی

لاہور: وزیر خارجہ شاہ محمود قریشی نے کہا ہے کہ کرتارپور راہداری ترقی کے راستے کھلنے کا باعث بنے گا۔

تفصیلات کے مطابق وزیر خارجہ شاہ محمود قریشی نے اے آر وائی نیوز سے خصوصی گفتگو کرتے ہوئے کہا کہ کرتارپور راہداری پر اپنا وعدہ پورا کردیا ہے، پاکستان میں تمام اقلیتوں کو مکمل مذہبی آزادی ہے۔

وزیر خارجہ نے کہا کہ ہندو، مسیحی دیگر اقلیتیں اپنی مذہبی رسومات آزادانہ ادا کرسکتی ہیں، افسوس کشمیر میں بھارتی حکومت نے نماز جمعہ پر پابندی لگارکھی ہے۔

شاہ محمود قریشی نے کہا کہ پہلی بار اقوام متحدہ میں کشمیر کا مسئلہ زیر بحث آیا ہے، او آئی سی نے مقبوضہ کشمیر کی حمایت میں اپنا موقف دیا ہے۔

مزید پڑھیں: کرتارپور راہداری ، افتتاحی تقریب میں کون سا بالی ووڈ اداکار پاکستان آرہا؟

انہوں نے کہا کہ بھارتی دھمکیوں کے باوجود مہاتیر محمد نے کشمیر پر اپنا موقف تبدیل نہیں کیا ہے، کرفیو اٹھنے کے بعد مقبوضہ کشمیر کے عوام اپنا احتجاج ریکارڈ کرائیں گے۔

واضح رہے کہ بابا گورونانک کے 550 ویں تاریخی جنم دن پر کرتارپور راہداری کا افتتاح کرنے کی تیاریاں زورشور سے جاری ہیں، وزیراعظم عمران خان کل کرتارپور راہداری کا افتتاح کریں گے۔

سابق بھارتی کرکٹر نوجوت سنگھ سدھو نے کرتارپور راہداری افتتاح کی تقریب میں شرکت کی اجازت کے لیے بھارتی حکومت کو 3 خط لکھے تھے، جس کے بعد انہیں بھارتی وزیر خارجہ کی جانب سے کرتارپور افتتاحی تقریب میں شرکت کی اجازت مل گئی تھی۔

خیال رہے کہ اداکار و سیاستدان سنی دیول کا تعلق بھارتی پنجاب کے ضلع گورداس پور سے ہے اور سنی دیول نے بھارتی الیکشن میں بی جے پی کے پلیٹ فارم سے ضلع گوردار پور سے حصہ لیا تھا۔

Comments

comments

یہ بھی پڑھیں