لیگی وزراء نے سپریم کورٹ اورفوج پرحملہ کیا، شاہ محمود قریشی -
The news is by your side.

Advertisement

لیگی وزراء نے سپریم کورٹ اورفوج پرحملہ کیا، شاہ محمود قریشی

اسلام آباد : تحریک انصاف کے مرکزی رہنما شاہ محمود قریشی نے کہا ہے کہ نواز لیگ کے وزراء کی پریس کانفرنس سے صاف ظاہر ہورہا ہے کہ ان کے ہاتھ پاؤں پھول گئے ہیں لیگی وزراء نے سپریم کورٹ اور فوج پر حملہ کیا۔

یہ بات انہوں نے اسلام آباد میں لیگی وزراء کی مشترکہ پریس کانفرنس کے رد عمل میں کہی، شاہ محمود قریشی کا کہنا تھا کہ شاید لیگی وزرا کو لگتاہے کہ جےآئی ٹی کچھ بڑا کرنے والی ہے، مسلم لیگ ن نے اپنےپول خود ہی کھول دیئےہیں۔

انہوں نے کہا کہ قطری شہزادے شریف فیملی کے پرانےدوست ہیں انہیں عدالت میں خود پیش کرنا چاہئیے تھا، اگر یہ ممکن نہیں تھا تو قطری شہزادہ کوریئر کے ذریعے ہی منی ٹریل بھیج دیتا۔

وزیروں نے پریس کانفرنس کرکے سپریم کی تشکیل کردہ جےآئی ٹی اورافواج پاکستان پرحملہ کیا، انہوں نے وزراء کو مخاطب کرتے ہوئے کہا کہ آپ کی تاریخ بتاتی ہے کہ آپ نے سپریم کورٹ پرحملہ کیا اور پھرتیاری کررہے ہیں لیکن ہم سپریم کورٹ کے ساتھ کھڑے ہیں۔


قطری شہزادے کی شہادت کے بغیرجے آئی ٹی رپورٹ قبول نہیں، لیگی وزراء


شاہ محمودقریشی کا مزید کہنا تھا کہ پاناما لیکس کے معاملے پر ڈیوڈ کیمرون اور آئس لینڈ کے وزیراعظم کیا کپتان کے کہنے پرمستعفی ہوئے؟ آپ لوگ کس کو بےوقوف بنانے کی کوشش کررہے ہیں۔

انہوں نے کہا کہ لیگی رہنماؤں کی پریس کانفرنس اعتراف شکست اور راہ فرار ہے، جےآئی ٹی کے تین ممبر حکومت کےماتحت ہیں تو پریس کانفرنس کس کےخلاف تھی؟

Comments

comments

یہ بھی پڑھیں