The news is by your side.

Advertisement

پی ایس ایل کا انعقاد؟ وزیر خارجہ نے عندیہ دے دیا

ملتان: وزیرخارجہ شاہ محمود قریشی نے بڑھتے کرونا کیسز پر تشویش کا اظہار کرتے ہوئے کہا کہ اگر یہ صورت حال رہی تو شاید پی ایس ایل پر بھی پابندی لگ جائے۔

تفصیلات کے مطابق ملتان میں میڈیا سے گفتگو کرتے ہوئے شاہ محمود قریشی نے کہا کہ ملک بھر میں کرونا کیسز میں تشویشناک اضافہ ہورہا ہے مگر حکومت لاک ڈاؤن کی طرف نہیں جائے گی۔

پاکستان سپر لیگ سیزن 7 کے انعقاد سے متعلق پوچھے گئے سوال پر وزیر خارجہ نے کہا کہ پاکستانیوں کو کرکٹ سے بڑی دلچسپی ہے، ہماری خواہش ہے کہ میچز ہونے چاہئیں لیکن اگر کرونا کیسوں میں اضافہ ہوتا رہا تو پھر ہوسکتا ہے نمبرز پر پابندی لگ جائے۔

جنوبی پنجاب کے لئے بڑا اعلان

اس سے قبل میڈیا سے گفتگو میں وزیر خارجہ نے پنجاب میں ملازمتوں کا بتیس فیصد کوٹہ جنوبی پنجاب کے لوگوں کیلئے مختص کرنے کا اعلان کیا، ساتھ ہی اپوزیشن کو آئینی ترامیم پر حکومت کا ساتھ دینے کی ترغیب بھی کی۔

شاہ محمود قریشی کا کہنا تھا کہ ستائیس فروری کو بلاول کراچی سے پنجاب مارچ کریں تو ہم بھی اس دن پنجاب سے کراچی کی جانب مارچ کا اعلان کرتے ہیں، ہوسکتا ہے کہ راستے میں ملاقات ہوجائے۔

Comments

یہ بھی پڑھیں