تازہ ترین

"مشکل وقت میں اے آر وائی نیوز کے ساتھ ہیں”

ملتان: وائس چیئرمین پاکستان تحریک انصاف شاہ محمود قریشی نے اے آر وائی نیوز کے ہیڈ آف نیوز عماد یوسف کی گرفتاری کو آزادی صحافت کا امتحان قرار دے دیا ہے۔

تفصیلات کے مطابق اے آر وائی نیوز سے خصوصی گفتگو کرتے ہوئے پی ٹی آئی وائس چیئرمین نے عماد یوسف کی گرفتاری کی شدید الفاظ میں مذمت کرتے ہوئے کہا کہ جمہوریت میں سب کچھ قانون کےتابع ہوتاہے جبکہ فسطائیت میں سب کچھ قانون سےبالا ترہوتاہے۔

شاہ محمود قریشی نے کہا کہ پی ٹی آئی آزادی صحافت کی بات کرتی ہے، آج آزادی صحافت کی آوازبلند کرنے والوں کا امتحان ہے، عماد یوسف کی گرفتاری پر پاکستان کی تمام صحافی برادری کو آواز بلند کرنا ہوگی۔

ماضی سے متعلق بات چیچ کرتے ہوئے وائس چیئرمین پی ٹی آئی کا کہنا تھا کہ ماضی میں میڈیا کا بلیک آؤٹ کردیاجاتاتھا،آج کےزمانےمیں میڈیا کا بلیک آؤٹ ممکن نہیں ہے۔

یہ بھی پڑھیں: شہباز گل کی گرفتاری پر عمران خان کا ردعمل آگیا

پی ٹی آئی رہنما کا کہنا تھا کہ اے آر وائی نیوز کے ہیڈ آف نیوز کی گرفتاری کے محرکات دیکھے جائیں تو
واضح ہوجائے گا کہ ان کی گرفتاری کا فیصلہ ہوچکا تھا، ثابت ہوچکا کہ حکومت انتقامی کارروائیوں پراترآئی ہے۔

اے آر وائی نیوز سے خصوصی گفتگو میں پی ٹی آئی رہنما کا کہنا تھا کہ پی ٹی آئی اس مشکل وقت میں اےآروائی کےساتھ ہے، حکومتی ہتھکنڈوں کے باعث اے آروائی کی مقبولیت میں اضافہ ہوگیا ہے۔

وفاقی وزیر داخلہ رانا ثنااللہ کو تنقید کا نشانہ بناتے ہوئے وائس چیئرمین پی ٹی آئی کا کہنا تھا کہ رانا ثنااللہ کے بیانات بطور وزیرداخلہ انکو زیب نہیں دیتے، وہ سیاسی مقاصد حاصل کرنے کیلئےقانون توڑ رہے ہیں۔

Comments

- Advertisement -