ممبئی: بالی وڈ کے معروف اداکار رنبیر کپور نے بیٹی راحا کیلیے بہترین بے بی سٹر کا نام بتا دیا۔ وہ کوئی اور نہیں بلکہ انڈسٹری کے سُپر اسٹار ہیں۔
سال 2022 میں راحا کی ولادت کے بعد سے رنبیر کپور اور اہلیہ عالیہ بھٹ اکثر انٹرویوز میں اس کے بارے میں ضرور گفتگو کرتے ہیں۔
حالیہ انٹرویو میں رنبیر کپور سے سوال کیا گیا کہ بالی وڈ میں ایسا کون سا اداکار ہے جو آپ کی راحا کیلیے بہترین بے بی سٹر ثابت ہو سکتا ہے؟
اس پر رنبیر کپور نے سُپر اسٹار شاہ رخ خان کا نام لیا جن کے بارے میں یہ بات عام ہے کہ وہ بہت عاجز و شائستہ مزاج انسان ہیں جو سب کی فکر اور خیال رکھتے ہیں۔
رنبیر کپور نے کہا کہ بیٹی کیلیے شاہ رخ خان بہترین بے بی سٹر ہو سکتے ہیں، اگر وہ اپنے بازو پھیلائیں تو راحا انہیں دیکھ کر بہت خوشی محسوس کرے گی۔
شاہ رخ خان سُپر اسٹار ہونے کے ساتھ ساتھ ایک بہترین باپ بھی ہیں۔ وہ اکثر تقاریب میں اپنے بچوں سہانا خان اور آریان خان کے ساتھ نظر آتے ہیں جبکہ سوشل میڈیا پر بھی ان کے ساتھ تصاویر اور ویڈیوز شیئر کرتے ہیں۔
