ممبئی: بالی وڈ کے سُپر اسٹار شاہ رخ خان کا کہنا ہے کہ اداکار سنیل شیٹی ان کی فلم ’ڈنکی‘ کی کہانی دیکھ کر رونے لگ جائیں گے۔
شاہ رخ خان جمعہ کو سینما گھروں میں ریلیز ہونے والی اپنی فلم ’ڈنکی‘ کیلیے پُرجوش ہیں اور اس کی تشہیر میں مصروف ہیں۔ اس میں تاپسی پنو ہیروئن کا کردار ادا کریں گی۔
سماجی رابطوں کی ویب سائٹ ایکس پر سنیل شیٹی نے شاہ رخ خان کیلیے نیک تمناؤں کا اظہار کیا۔ انہوں نے لکھا کہ ریلیز کے پہلے ہی دن سنیما جا کر پہلے شو میں فلم دیکھوں گا۔
متعلقہ: شاہ رخ خان اور تاپسی پنو کا خطرناک قیدیوں سے سامنا کب ہوا؟
سنیل شیٹی نے کہا کہ ’ڈنکی‘ کا بڑی اسکرین پر جادو دیکھنے کیلیے مزید انتظار نہیں کر سکتا، فلم کی کاسٹ اور پوری ٹیم کیلیے دعاگو ہوں۔
اس کے جواب میں شاہ رخ خان نے بھی ٹوئٹ کیا۔ سُپر اسٹار نے سنیل شیٹی کا شکریہ ادا کرتے ہوئے لکھا کہ مجھے امید ہے آپ تھیٹر میں قہقہہ لگانے کے بعد روہیں گے جیسا کہ راج کمار ہیرانی کی فلموں میں ہوتا ہے۔
Thank u Anna. Love u and I hope u laugh and cry in the theater with the story that unfolds as always happens with Raju sir’s films. Big hug https://t.co/sOMlRb9v8T
— Shah Rukh Khan (@iamsrk) December 20, 2023
