The news is by your side.

Advertisement

شاہ سلمان نے حرمین شریفین میں نماز عید ادا کرنے کی منظوری دیدی

ریاض: سعودی فرمانروا شاہ سلمان بن عبدالعزیز نے حرمین شریفین میں نماز عید الفطر ادا کرنے کی منظوری دے دی۔

عرب میڈیا کے مطابق حرمین شریفین میں نماز عید ادا کرنے کی منظوری دے دی گئی، سعودی فرمانروا شاہ سلمان بن عبدالعزیز نے حرمین شریفین میں نماز عید ادا کرنے کی منظوری دی۔

شاہ سلمان نے کہا کہ مسجد الحرام، مسجد نبوی میں مختصر عملے کے ساتھ نماز ادا کی جائے گی۔

رپورٹ کے مطابق کرونا وائرس کی وجہ سے دیگر مقامات پر نماز عید کے اجتماعات پر مکمل پابندی ہوگی، جبکہ مساجد کے لاؤڈ اسپیکر سے عید کی تکبیریں بلند کرنے کی اجازت ہوگی۔

مزید پڑھیں: سعودی عرب، عید الفطر 24 مئی بروز اتوار کو منائی جائے گی

حرمین شریفین انتظامیہ کے سربراہ شیخ ڈاکٹر عبد الرحمن السدیس نے کہا ہے کہ خادم حرمین شریفین شاہ سلمان بن عبدالعزیز اور ولی عہد شہزادہ محمد بن سلمان نے سعودی عوام اور امت مسلمہ کو عید کی مبارکباد پیش کی ہے۔

ان کا کہنا تھا کہ ’اللہ تعالی کی ذات سے امید ہے کہ جلد ہی یہ وبا ٹل جائے گی اور مسلمان پہلے کی طرح جمعہ اور جماعت ادا کرسکیں گی‘۔

fb-share-icon0
Tweet 20

Comments

comments

یہ بھی پڑھیں