پاکستان تحریک انصاف کے مرکزی رہنما شہباز گل نے کہا ہے کہ گزشتہ کئی ماہ سے پاکستان کے عدالتی نظام کو جکڑ کر مذاق بنایا ہوا ہے۔
پاکستان تحریک انصاف کے مرکزی رہنما ڈاکٹر شہباز گل نے سماجی رابطوں کی ویب سائٹ ٹوئٹر پر اپنے ٹوئٹ میں کہا ہے کہ گزشتہ کئی ماہ سے پاکستان کے عدالتی نظام کو جکڑ کر مذاق بنایا ہوا ہے، کتنی ناانصافی ہے پھر کہتے ہیں کہ اللہ کا عذاب نہ آئے۔
شہباز گل نے مزید کہا ہے کہ چوری شدہ پیسے کے تمام ثبوت ہونے کے باوجود فرد جرم عائد نہیں ہو پارہی ہے اگر یہی کوئی غریب یا عام آدمی ہوتا تو ابھی تک سزا مل کر اپیل بھی خارج ہوچکی ہوتی۔
پچھلے کئی مہینے سے پاکستان کے عدالتی نظام کو جکڑ کر مذاق بنایا ہوا ہے۔ اربوں روپے کے چوری شدہ پیسے کے تمام ثبوت ہونے کے باوجود فرد جرم عائد نہیں ہو پا رہی- کوئی غریب یا عام آدمی ہوتا تو ابھی تک سزا مل کر اپیل بھی خارج ہوچکی ہوتی۔کتنی نا انصافی ہے پھر کہتے ہیں اللہ کا عذاب نہ آئے pic.twitter.com/SKUOPiXCqR
— Dr. Shahbaz GiLL (@SHABAZGIL) June 4, 2022
واضح رہے کہ سابق مشیر احتساب مصدق عباسی نے لاہور کی اسپیشل کورٹ میں منی لانڈرنگ کیس کی سماعت پر ایف آئی اے کی جانب سے وزیراعظم حمزہ شہباز اور وزیراعلیٰ پنجاب حمزہ شہباز کی گرفتاری مانگنے کو ڈراما قرار دیا ہے۔
یہ بھی پڑھیں: ‘ ایف آئی اے نے عدالت میں ڈراما رچا کر قوم کو بےوقوف بنایا ‘
سابق مشیر احتساب مصدق عباسی نے اپنے ردعمل میں کہا کہ عدالتوں کو کیس کا فیصلہ کرنا چاہیے لیکن عدالت میں مختلف بہانوں سے تاخیری حربے استعمال کیے جارہے ہیں، ایف آئی اے عدالت میں ڈراما رچا کر قوم کو بیوقوف بنایا گیا۔
