چیئرمین پی ٹی آئی عمران خان نے آصف زرداری کی جانب سے وزیراعلیٰ انتخاب کے لیے ہارس ٹریڈنگ کی کوششوں کیخلاف آج احتجاج کا اعلان کیا ہے۔
پاکستان تحریک انصاف کے مرکزی رہنما ڈاکٹر شہباز گل نے سماجی رابطوں کی ویب سائٹ ٹوئٹر پر اپنے ٹوئٹ میں کہا ہے کہ عمران خان کی ہدایت پر آصف زرداری کی جانب سے ہارس ٹریڈنگ کے خلاف آج احتجاج ہوگا۔
شہباز گل نے ٹوئٹ میں مزید لکھا ہے کہ ہارس ٹریڈنگ کے خلاف آج شام 7 بجے لبرٹی چوک لاہور پر احتجاج کیا جائے گا جس میں تمام پاکستانی بھرپور شرکت کریں۔
چیئرمین پاکستان تحریک انصاف عمران خان کی ہدایت پر آصف علی زرداری کی پنجاب میں ہارس ٹریڈنگ کے خلاف آج شام 7 بجے لبرٹی چوک لاہور میں احتجاج کی کال دی گئی ہے۔ تمام پاکستانی بھرپور شرکت کریں۔
مبین سلطان
ڈپٹی سیکرٹری پبلک ریلیشنز پنجاب— Dr. Shahbaz GiLL (@SHABAZGIL) July 20, 2022
واضح رہے کہ سابق صدر آصف زرداری نے حمزہ شہباز کی حمایت کے حصول کیلیے کل ق لیگ کے سربراہ چوہدری شجاعت حسین سے ملاقات کی تھی جب کہ دونوں کے درمیان آج ایک بار پھر بیٹھک متوقع ہے جس میں سابق صدر ق لیگ کے سربراہ کو حمزہ شہباز کی حمایت کے قائل کرنے کی دوبارہ کوشش کریں گے۔
یہ بھی پڑھیں: وزیراعلی پنجاب کے انتخاب میں مداخلت ، پی ٹی آئی نے سپریم کورٹ سے رجوع کرلیا
دوسری جانب وزیراعلی پنجاب کےانتخاب میں مداخلت پر تحریک انصاف نے راناثنااللہ اور حکومت پنجاب کے خلاف توہین عدالت کی درخواست دائرکردی۔
