وفاقی وزیر برائے اطلاعات مریم اورنگزیب نے پی ٹی آئی رہنما شہباز گل پر تشدد کی خبروں کو پروپیگنڈا قرار دے دیا۔
اے آر وائی نیوز کے مطابق مسلم لیگ ن کی رہنما اور وفاقی وزیر مریم اورنگزیب کا کہنا ہے کہ شہباز گل پر تشدد کی بات صرف جھوٹ ہے وہ کیمرہ دیکھتے ہی اداکاری شروع کردیتے ہیں۔
انہوں نے کہا کہ شہباز گل پر کوئی تشدد نہیں ہوا وہ ہٹے کٹے ہیں جو ویڈیو شیئر کی جارہی ہے وہ چکوال کے ایک ریپسٹ کی ہے جس نے بچے کو جنسی زیادتی نشانہ بنایا جس پر علاقہ مکینوں نے اسے تشدد کا نشانہ بنایا تھا۔
مریم اورنگزیب نے کہا کہ ان پر کسی قسم پر تشدد نہیں کیا وہ ہٹے کٹے پولیس کے ساتھ گفتگو کررہے ہیں کتابیں پڑھ رہے ہیں۔
شہباز گل کی تازہ ترین ویڈیو! بالکل ٹھیک حالت میں ہشاش بشاش، نہ سانس کا مسئلہ، نہ کوئی تشدد کی علامت
1/2 pic.twitter.com/2jfdaZAHz3— Hoorain Pervaiz (@HoorainPervaiz1) August 20, 2022
انہوں نے کہا کہ شہباز گل سے ماسک لیا گیا تو انہوں نے چیخنا شروع کردیا اب ان کا ماسک کدھر گیا۔
شہباز گل پر بہیمانہ تشدد کیا گیا، فواد چوہدری
دوسری جانب پی ٹی آّئی رہنما شہبازگل کےعلاج معالجےکیلئے نیا میڈیکل بورڈ بنانے کا فیصلہ کیا گیا ہے۔
ابھی تھوڑی دیر میں تحریک فساد و ڈرامیات اس بیچارے تشدد سے بے حال اور آکسیجن کے بغیر زندہ نا رہنے والے بغاوت کے ملزم کیلئے ایک ریلی نکالے گی،شرمندگی ہی شرمندگی ہے ان کی بھی کوئی زندگی ہے 🖐🖐 #ڈرامے_باز_فتنے pic.twitter.com/O9fNxGc0sc
— Azma Zahid Bokhari (@AzmaBokhariPMLN) August 20, 2022
ذرائع کے مطابق چار رکنی میڈیکل بورڈ پمزاسپتال کےڈاکٹرز پرمشتمل ہو گا، بورڈ میں میڈیسن، جنرل سرجری، پلمانولوجی، میڈیکل آئی سی یو کے ڈاکٹرز شامل کئے گئے ہیں۔
پمز ذرائع کے مطابق چار رکنی بورڈشہباز گل کا علاج معالجہ اور میڈیکل رپورٹ تیار کرے گا، میڈیکل رپورٹ کو عدالت میں پیش کیا جائے گیا۔
واضح رہے کہ اس سے قبل شہباز گل کیلئے چار رکنی اور بعد میں چھ رکنی بورڈ بنایا گیا تھا۔
