لاہور: وزیر اعلیٰ پنجاب کے سابق ترجمان ڈاکٹر شہباز گل نے کہا ہے کہ پاکستان میں مثبت تبدیلی کے لئے پہلے بھی عمران خان کا سپاہی تھا، اب بھی ہوں۔
ان خیالات کا اظہار انھوں نے اپنے ٹیوٹ میں کیا۔ شہباز گل کا کہنا تھا کہ مجھے اپنے قائد عمران خان پر فخر ہے۔
ڈاکٹر شہباز گل کا کہنا تھا کہ وطن عزیز کی خدمت کے لئے مجھے کسی عہدے کی ضرورت نہیں۔ انھوں نے امید ظاہر کی کہ وزیر اعظم عمران خان ہی ملک کومسائل کی دلدل سے نکالیں گے۔
خیال رہے کہ وزیر اعلیٰ پنجاب کے ترجمان شہباز گل نے اپنے عہدے سے استعفیٰ دے دیا ہے.
شہباز گل نے مختلف امور پر تحفظات کے سبب اپنا استعفیٰ وزیر اعلیٰ کو پیش کیا، ذرائع کا کہنا ہے کہ وزیر اعلیٰ کے پنجاب کے ترجمان کو صوبے میں گورننس اور پولیس کے نظام پر قیادت سے تحفظات تھے، جس کے سبب وہ عہدے سے مستفعی ہوگئے.
یاد رہے کہ عون چوہدری کو بھی مشیرکے عہدے سے ہٹا دیا گیا ہے، عون چوہدری کو انتظامی امور بہتر بنانے کے لیے انہیں ان کے عہدے سے ہٹایا گیا۔
